आज जागतिक झोप दिन आहे. अनेकांच्या मते झोप हे आळशी लोकांचे लक्षण असते. मात्र असे अजिबातच नाहीये. उत्तम आणि निरोगी मानसिक, शारीरिक आरोग्यासाठी उत्तम झोप खूपच आवश्यक आहे. झोपेचे आपल्या आयुष्यातील महत्त्व लक्षात घेऊन दरवर्षी ‘वर्ल्ड स्लीप डे’ साजरा केला जातो. यावर्षी 13 मार्च म्हणजेच आज ‘वर्ल्ड स्लीप डे’ साजरा केला जात आहे. (Sleep Day)
‘वर्ल्ड स्लीप डे’ प्रथम 2008 मध्ये साजरा करण्यात आला. झोप आणि आरोग्य यांच्यातील संबंधांबद्दल लोकांना जागरूक करणे हा त्यामागचा मुख्य हेतू आहे. आजच्या धकाधकीच्या जीवनशैलीमुळे लोकांना आजकाल पुरेशी झोप मिळत नाही. याचा त्यांच्या मानसिक आणि शारीरिक आरोग्यावर विपरित परिणाम होतो. यासाठी, डॉक्टर दररोज किमान 8 तास झोपण्याची शिफारस करतात. (Sleep ANd Health)
आपल्या झोपेचाही थेट परिणाम आपल्या आरोग्यावर होतो. म्हणूनच, लोकांना झोपेचे महत्त्व समजावून सांगण्यासाठी दरवर्षी जागतिक निद्रा दिवस साजरा केला जातो. झोपेचे महत्त्व, त्याचा आरोग्यावर होणारा परिणाम आणि झोपेच्या चांगल्या सवयींबद्दल जागरूकता पसरवणे या उद्देशाने हा दिवस साजरा केला जातो. (Marathi)
वर्ल्ड स्लीप सोसायटी वर्ल्ड स्लीप डेच्या निमित्ताने अनेक कार्यक्रम आयोजित केले जातात. पुरेशी झोप न मिळाल्यामुळे लोक बर्याच आजारांना बळी पडतात. हे रोखण्यासाठी वर्ल्ड स्लीप सोसायटीने ‘वर्ल्ड स्लीप डे’ सुरू केला. आज जगातील 88 हून अधिक देशांमध्ये ‘वर्ल्ड स्लीप डे’ साजरा केला जातो. प्रथम हा दिवस 2008 मध्ये साजरा करण्यात आला. निरोगी राहण्यासाठी पुरेशी झोप आवश्यक आहे. यासाठी वर्ल्ड स्लीप सोसायटीने वर्ल्ड स्लीप डे साजरा करण्यास सुरुवात केली. जेणेकरुन लोक झोपेत्या बाबतील जागरूक होतील. (Latest Marathi News)
आपण दररोज संसर्गजन्य सूक्ष्मजीव आणि प्रदूषकांच्या संपर्कात असतो. झोप आवश्यक आहे कारण ते अशा धोक्यांपासून आपली प्रतिकारशक्ती वाढवते आणि शरीराला विविध जखमांपासून किंवा इतर कोणत्याही शारीरिक आघातातून बरे होण्यासाठी पुरेसा वेळ देते. झोपेमुळे शरीराला वाढलेली कोलेस्टेरॉल आणि उच्च रक्तदाब नियंत्रित करता येतो जे हृदयविकाराच्या झटक्याचे कारण आहेत. (Todays Marathi Headline)
झोपताना आपण अधिक चांगल्या प्रकारे आराम करू शकतो जे आपल्या श्वासोच्छवासाच्या पद्धतीशी सुसंगत होते. चेहऱ्याच्या त्वचेच्या पेशींमध्ये पुरेसा सेल्युलर ऑक्सिजन आणि योग्य रक्त परिसंचरण सुनिश्चित करण्यासाठी हे आवश्यक आहे. जे लोक नीट झोपत नाहीत त्यांना ग्लुकोजच्या चयापचयामध्ये अडथळा येण्याची शक्यता असते ज्यामुळे त्यांना टाइप टू मधुमेह होण्याची शक्यता वाढते. (Social Updates)
झोपेबद्दल आपल्या जुन्या पुराणांमध्ये आणि ग्रंथांमध्ये देखील काही गोष्टी नमूद केल्या आहेत. भविष्य पुराणात सांगितले आहे की, व्यक्तीने झोपण्यापूर्वी नेहमी हात पाय धुवावेत, ज्यामुळे शरीरात थंडावा येतो. तर, विष्णू पुराणात सांगितले गेले आहे, की कधीही अस्वच्छ पलंगावर झोपू नये. मनुस्मृती या ग्रंथानुसार, निर्जन किंवा निर्जल घरात एकटे झोपू नये, याशिवाय मंदिरात किंवा स्मशानभूमीत झोपणे देखील अशुभ आहे. पद्मपुराणात सांगितले आहे की, निरोगी शरीर आणि दीर्घायुष्यासाठी रात्री लवकर झोपावे आणि ब्रह्म मुहूर्तावर सकाळी लवकर उठले पाहिजे. (Top Treding Headline)
याशिवाय चाणक्य नीतीत असे सांगितले आहे, की जे विद्यार्थी, नोकर किंवा सुरक्षा रक्षक आहेत त्यांनी जास्त झोपू नये. हिंदू धर्मग्रंथानुसार दरवाजाकडे पाय करून झोपू नये. वास्तुशास्त्रातही हे अशुभ मानले गेले आहे. याशिवाय, वैज्ञानिक दृष्टिकोनातून, एखाद्या व्यक्तीने कधीही उत्तर दिशेला डोके ठेवून झोपू नये, कारण यामुळे शरीरात उपस्थित लोह घटकांना चुंबकीय गुणधर्म आकर्षित करतात, जे आरोग्यासाठी हानिकारक असतात. (Top Marathi News)
चांगल्या झोपेसाठी आपण काय केले पाहिजे?
> दररोज झोपण्याची आणि उठण्याची वेल निश्चित करा, आपल्या शरीराच्या अंतर्गत घड्याळाला समयोजित करा. झोपेचा वेळ ठरवण्यासाठी अलार्म सेट करा. यामुळे तुम्हाला नियमितपणे झोप येईल. (Latest Marathi Headline)
> झोपण्यापूर्वी आरामदायक आणि शांत क्रिया केल्याने शरीराला झोपेची तयारी करायला मदत मिळते. त्यासाठी पुस्तक वाचा, उबदार बाथ घ्या किंवा श्वासोच्छ्वास आणि ध्यान अशा शान्त करणाऱ्या क्रियांचा अवलंब करा.
> चांगली झोप येण्यासाठी खोलीतळे वांतावरण तसे अनुकूल बनवा, शांत झोपण्यासाठी खोलीत कमी उजेड आणि थंड हवेची गरज असते.
=========
Skin Care : उन्हाळ्यात काळवंडलेली त्वचा उजळवण्यासाठी घरगुती सिरम ठरू शकते फायदेशीर
Skin Care : कमी वयात सैल झालेल्या त्वचेसाठी करा ‘हे’ सोपे उपाय
Skin Care : उन्हाळ्यात त्वचेची काळजी कशी घ्यावी?
=========
> कॅफिन आणि मद्य झोपेच्या चक्रावर नकारात्मक परिणाम करतात. त्यामुळे संध्याकाळी कॅफिनयुक्त पदार्थ म्हणजे कॉफी, चहा, सोडा आणि अल्कोहोल टाळा. हे तुमच्या झोपेचा दर्जा खराब करू शकतात.
> व्यायाम केल्याने झोपेची गुणवत्ता सुधारते, पण झोपेच्या अगोदर व्यायाम केल्याने झोप लागण्यात अडचण येऊ शकते. त्यामुळे झोपेच्या 3 तास आधी किमान 30 मिनिटे व्यायाम करा. (Top Stories)
> रात्री जास्त किंवा जड जेवण झोपेची गुणवत्ता प्रभावित करू शकते. त्यामुळे संध्याकाळी मसालेदार खाद्यपदार्थ, जड जेवण आणि जास्त पाणी टाळा. छोटे स्नॅक्स, जसे की केळी किंवा शेंगदाणे खाणे योग्य.
> फोन, टॅबलेट आणि कंप्युटरच्या ब्लू लाईटमुळे मेलाटोनिन उत्पादनावर परिणाम होतो आणि झोप लागण्यात अडचण येते. त्यामुळे झोपेच्या 30 ते 60 मिनिटे आधी स्क्रीन पाहणे टाळा. त्याऐवजी पुस्तक वाचा किंवा शांत संगीत ऐका.
> चिंता आणि तणाव खराब झोपेचे प्रमुख कारण आहे. ते दूर करण्यासाठी ध्यान,वाचन किंवा इतर तणाव कमी करणाऱ्या क्रियांचा अवलंब करा, ज्यामुळे संध्याकाळी चिंता कमी होईल. (Scoial News)
(वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही. कोणतेही उपाय करण्याआधी तज्ज्ञांचा सल्ला नक्की घ्या)
Latest Marathi News | News in Marathi | Live news Updates in Marathi on Trending Topics
