Chaitra Amavasya : पितरांना समर्पित असलेली चैत्र अमावस्या कधी आहे?

लवकरच मराठी नवीन वर्षाची सुरुवात होणार आहे. कोणत्याही नवीन महिन्याची सुरुवात होताना अमावस्या ही तिथी येते. अमावस्या ही तिथी अनेकांच्या दृष्टीने अशुभ तिथी समजली जाते. मात्र अमावस्या अजिबातच अशुभ नसते. या तिथीला अनेक प्रकारचे पूजा पाठ केले जातात. लवकरच मराठी नवीन वर्षाची सुरुवात होत असून, त्याआधी चैत्र अमावस्या येणार आहे. यंदा १९ मार्च रोजी अमावस्या आणि गुढीपाडवा एकत्रच आल्याने अनेकांचा नक्की अमावस्या कधी असेल याबद्दल गोंधळ निर्माण होत आहे. (Chaitra Amavasya)

चैत्र महिन्याच्या कृष्ण पक्षाच्या शेवटच्या दिवसाला चैत्र अमावस्या म्हणतात. या अमावस्येला विशेष धार्मिक महत्त्व आहे, कारण या अमावस्येच्या दुसऱ्या दिवशी हिंदू नववर्ष आणि चैत्र नवरात्राची सुरुवात होते. चैत्र अमावस्या ही पूर्वजांना प्रार्थना करण्यासाठी, स्नान करण्यासाठी आणि दान करण्यासाठी खूप लाभदायी मानली जाते. चैत्र अमावस्येला दर्श अमावस्या देखील म्हटले जाते. चैत्र महिन्यातील कृष्ण पक्षातील अमावस्या तिथीची सुरुवात बुधवार, १८ मार्च रोजी सकाळी ०८.२५ वाजता सुरु होणार आहे आणि गुरुवार, १९ मार्च रोजी सकाळी ०६.५२ वाजता संपेल. म्हणून, दर्श अमावस्या बुधवार, १८ मार्च रोजी साजरी केली जाईल. (Todays Marathi Headline)

अमावस्या तिथीचा स्वामी पितृदेवता मानला जातो. पूर्वज देवता म्हणजे आपल्या कुटुंबातील मृत सदस्य. मृतांच्या कुटुंबीयांच्या शांतीसाठी अमावस्येला सूर्यप्रकाशात ध्यान करण्याची प्रथा आहे. प्रत्येक महिन्याच्या अमावस्या तिथीला पितरांसाठी दुपारी विशेष धूप, तप आणि दान करावे. लक्षात ठेवा की पितरांचे धूप ध्यान फक्त दुपारीच करावे, कारण सकाळची वेळ देवी-देवतांच्या पूजेसाठी सर्वोत्तम आहे आणि दुपारची वेळ पितरांसाठी धूप ध्यानाची वेळ आहे. (Marathi)

चैत्र अमावस्या पूजा विधी
धार्मिक मान्यतेनुसार, चैत्र अमावस्येच्या दिवशी सकाळी लवकर उठून पवित्र नदीत स्नान करा. नदीत स्नान करणे शक्य नसल्यास घरात आंघोळीच्या पाण्यात गंगाजल टाकून स्नान करा. यानंतर सूर्यदेवाची पूजा करावी. उगवत्या सूर्याला जल अर्घ्य अर्पण करावे. शक्य असल्यास, या दिवशी उपवास करा. पूर्वजांना त्यांच्या शांतीसाठी प्रार्थना करा. पूजा केल्यानंतर आपल्या क्षमतेनुसार गरजूंना दान करा. (Social Updates)

चैत्र अमावस्येच्या दिवशी पवित्र नदीत स्नान केल्याने सुख-समृद्धी प्राप्त होते असं म्हणतात. त्याचबरोबर चैत्र अमावस्येला जेव्हा तुम्ही स्नान कराल त्यानंतर काळे तीळ आणि पांढऱ्या फुलांनी पितरांना तर्पण करा. तर्पण केल्याने पितर तृप्त होतात. त्याचबरोबर वंश वृद्धीचा आशीर्वाद घ्या. अमावस्येच्या दिवशी, ब्रह्म मुहूर्तावर उठून पवित्र नदीत किंवा घरी गंगाजल असलेल्या पाण्याने स्नान करा. आंघोळीनंतर ‘ओम पितृदेवाय नमः’ या मंत्राचा १०८ वेळा जप करा. यामुळे पूर्वजांच्या आत्म्याला शांती मिळते आणि पितृदोष कमी होतो. (Marathi Trending Headline)

या दिवशी गंगा, यमुना सारख्या पवित्र नद्यांमध्ये किंवा तीर्थक्षेत्रांवर पिंडदान करणे अत्यंत फलदायी मानले जाते. जर बाहेर जाणे शक्य नसेल तर तुम्ही घरी पाण्यात तीळ, कुशा आणि गोळे बनवून तर्पण करू शकता. तसेच, कावळे, कुत्रे आणि गायींना खाऊ घालणे हे देखील तर्पणाचा एक भाग मानले जाते. संध्याकाळी, पिंपळाच्या झाडाखाली मोहरीच्या तेलाचा दिवा लावा आणि जल अर्पण करा. “ॐ नमः पितृभ्यः” या मंत्राचा जप करताना, पिंपळाच्या झाडाला सात वेळा प्रदक्षिणा घाला. असे मानले जाते की पिंपळाच्या झाडात पूर्वजांचा वास असतो. (Top Marathi News)

चैत्र अमावस्या कथा
पौराणिक कथेनुसार, एका शहरात एक राजा राहत होता. त्या राजाची राणी अतिशय धार्मिक होती. या राजाच्या राजवाड्यासमोरच एका सावकाराचा वाडा होता. या सावकाराची पत्नी आणि राणीची चांगली मैत्री होती. एके दिवशी सावकाराच्या बायकोचा रडण्याचा आवाज आला. त्यावर राणीने राजाला विचारले असता त्याने सांगितले की, सावकाराचा मुलगा मरण पावला आहे. अशा दु:खापासून राणी वंचित होती. तेव्हा राणीने राजाला विचारले की, हे दु:ख काय असते? यावर राजा म्हणाला की, जेव्हा तुझ्या मुलगाचा मृत्यू होईल तेव्हा तुला कळेल. हे ऐकून राणीने लगेच आपल्या मुलाला खाली फेकले. पण, देवाच्या कृपेने त्याला काहीही झाले नाही. त्यानंतर राणीने पुन्हा विचारले की, दु:ख काय आहे? (Latest Marathi Headline)

तेव्हा राजा म्हणाला, जेव्हा शेजारच्या राज्यातील राजाशी माझे युद्ध होईल आणि त्या युद्धात मी एकटाच जाईन. यानंतर तुला माझ्या मृत्यूची बातमी कळेल तेव्हा तुला कळेल दुःख काय असते. मात्र, राणी नेहमी अमावस्येचे व्रत पाळत असे, त्यामुळे राजा नेहमी युद्ध जिंकून परत येत असे. राणीने पुन्हा प्रश्न विचारला, त्यानंतर राजा म्हणाला की, आपण गंगा मातेच्या दर्शनाला कधी तरी जाऊ. मग मी गंगा नदीत उडी घेईन आणि मग तुला कळेल दु:ख काय असते. तर दुसरीकडे भगवान शंकर कैलास पर्वतावर बसून राजा आणि राणीचे हे संभाषण पाहत आणि ऐकत होते, तेव्हा भगवान शंकर माता पार्वतीला म्हणाले की, चल मी तुला आनंदी आत्मा दाखवतो. यानंतर भगवान शिव आणि माता पार्वतीने शेळ्यांचे रूप धारण केले आणि एका विहिरीजवळ गवत खाऊ लागले. (Top Stories)

=========

Ekadshi : पापांपासून मुक्त करणाऱ्या पापमोचनी एकादशीचे महत्त्व

Gudipadwa : गुढी पाडवा १८ की १९ कोणत्या तारखेला? जाणून घ्या गुढी उभारण्याचा शुभ मुहूर्त!

Chaitra Navratra : चैत्र नवरात्र कधीपासून सुरू होत आहे?

=========

दरम्यान, तिथून जात असताना राणीला ती विहिर दिसली, ज्या ठिकाणी शिव आणि पार्वती शेळीच्या रुपात होते. ती विहीर पाहिली आणि राणी म्हणाली की आपण इथेच विश्रांती घेऊया. विश्रांती दरम्यान, राणीने शेळीच्या रुपातील महादेव आणि माता पार्वतीचे सर्व संभाषण ऐकले. ज्यामध्ये महादेव आणि माता पार्वतीला सांगतात की, राणीने अमावस्येचे व्रत केले, त्यामुळे तिला या जन्मात दु:ख मिळणार नाही. हे सर्व काही ऐकून राणीला सर्व कळाले. आणि तिने राजाला सर्व काही सांगितले. तेव्हापासून अमावास्येचे व्रत केल्याने माणूस सर्व त्रास आणि दुःखापासून दूर राहतो अशी मान्यता आहे. (Social News)

(टीप :वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)

Latest Marathi News | News in Marathi | Live news Updates in Marathi on Trending Topics