आपल्यापैकी बऱ्याच लोकांना फिरण्याचा छंद असतो. जमेल तेव्हा लगेच वेगवेगळ्या ठिकाणी फिरायला जातात. देशात किंवा परदेशात फिरून नवनवीन जागा एक्सप्लोर करायला अनेकांना आवडते. यासाठी बरेच लोकांकडे जगाचा नकाशा देखील पाहायला मिळतो. जगातील सर्व देश वेगवेगळ्या कारणांसाठी ओळखले जातात. प्रत्येक देशाचे एक खास वैशिष्ट्य आहे. आज आम्ही तुम्हाला एका अशा देशाबद्दल सांगणार आहोत, ज्या देशाच्या नावामागे एक विशेष रहस्य आहे. याच नावामागील रहस्यामुळे हा देश जगात प्रसिद्ध आहे. जाणून घेऊया याच देशाबद्दल. (Country)
जगात एक असा देश आहे, ज्याच्या नावामुळे हा देश इतर सर्वच देशांच्या तुलनेत जास्त प्रसिद्ध आहे. या देशाचे नाव आहे, सेंट लूसिया. सेंट लूसिया हा एकमेव देश आहे, ज्याचे नाव एका ऐतिहासिक महिलेच्या नावानुसार ठेवले गेले आहे. कॅरिबियनमधील हे बेट-देश आपले नाव तिसऱ्या शतकातील ख्रिश्चन संत आणि शहीद ‘सेंट ल्युसी ऑफ सिराक्यूज’ यांच्या नावावरून घेतो. संत ल्युसी यांच्या नावावरून या देशाला हे नाव मिळालं असून, त्या सध्याच्या सिसीली येथील एक ख्रिस्तधर्मीय संत होत्या. ज्यांच्या बलिदानामुळं त्यांना थोरत्वं मिळवून दिलं. काही उपलब्ध संदर्भांनुसार सेंट ल्युसी (संत लुसिया) यांचा जन्म अंदाजे इ.स. 283 मध्ये सिसिलीतील सिराक्यूज येथे झाला. डायक्लिशियनच्या अत्याचाराच्या काळात त्यांच्या दृढ श्रद्धा आणि बलिदानासाठी त्यांना ओळखले जाते. १३ डिसेंबर हा त्यांचा विशेष दिवस आहे, जो अनेक ख्रिश्चन परंपरांमध्ये साजरा केला जातो, विशेषतः स्कॅंडिनेव्हिया आणि इटलीमध्ये, जिथे त्या प्रकाश आणि आशेचे प्रतीक मानल्या जातात. (Marathi)
विवाहित आयुष्याऐवजी त्यांना समाजसेवा, गरजुंना मदत अशा कामांत योगदान द्यायचं होतं आणि त्याचसाठी त्यांनी आपल्याकडे असणारा सर्व आर्थिक ठेवी खर्ची घातल्या. तत्कालीन सम्राटासाठी ही अपमानास्पद बाब ठरली आणि त्यानं त्यांना मृत्यूदंडाची शिक्षा दिली. सेंट ल्सुयी यांच्याविषयी अनेक कथा सांगितल्या जातात. या साऱ्यामध्ये एक दुवा कायम आढळतो तो म्हणजे गरजूंप्रती त्यांच्या मनात असणारी आत्मियता. ल्युसी या नावाचा अर्थ होतो, ‘लाईट’ किंवा ल्युसिड. असे म्हणतात की त्या दृष्टीहिनांच्याही संत होत्या. (Latest Marathi Headline)
13 डिसेंबर रोजी वर्ष माहित नाही मात्र एक जहाज या भागावर आदळले आणि सेंट ल्युसिया देश जगासमोर आला. त्या दिवसापासून 13 डिसेंबर ही तारीख युरोपात ‘सेंट ल्युसी डे’ म्हणून साजरा केली जाते. ज्या खलाशांना हा देश सापडला, त्यांनी या देशाला सेंट ल्युसी हे नाव दिले. सेंट लूसियाचा इतिहास अनेक वेळा वसाहत बदलण्यातून गेला आहे. फ्रेंच आणि ब्रिटिश यांच्यात या बेताची सत्ता तब्बल 14 वेळा बदलली गेली. त्यामुळेच त्याला “हेलेन ऑफ द वेस्ट इंडीज” असे नाव मिळाले. ही तुलना ट्रॉयच्या हेलेनशी केली जाते, ज्यामुळे अनेक युद्धे झाली. (Top Stories)
========
========
मात्र अनेक बदलांनंतरही सेंट लूसियाने आपले नाव आणि संस्कृती कायम ठेवली आहे. फ्रेंच आणि ब्रिटिश राज्याचा प्रभाव आजही त्यांच्या भाषा, खाद्यसंस्कृती आणि कायद्यात दिसून येतो. आज इंग्रजी ही अधिकृत भाषा आहे, पण सेंट लूसियन क्रेओल फ्रेंच (क्वेयोल) मोठ्या प्रमाणावर बोलली जाते. सेंट लूसियाची राजधानी कॅस्ट्रिज आहे. देशाची लोकसंख्या सुमारे 1,80,000 आहे. पिटॉन्सचे जुळ्या शिखरांसाठी, दाट वर्षावनांसाठी, रंगीबेरंगी संगीत उत्सवांसाठी आणि पर्यटन उद्योगासाठी हा देश प्रसिद्ध आहे. देशाचे बोधवाक्य “द लँड, द पीपल, द लाईट” हा सेंट ल्युसी यांच्या परंपरेला दिलेला काव्यात्मक मान आहे. जगातील सेंट लूसिया हा एकमेव असा देश आहे, जो एका स्त्रीच्या प्रेरणादायी कथेला सन्मान देते. (Social News)
Latest Marathi News | News in Marathi | Live news Updates in Marathi on Trending Topics
