Chaitra Purnima : हिंदू नवीन वर्षातील पहिली पौर्णिमा असलेल्या चैत्र पौर्णिमेचे महत्त्व

हिंदू कॅलेंडरनुसार दर महिन्याच्या शुक्ल पक्षाच्या शेवटच्या दिवशी (पौर्णिमा) चंद्र पूर्ण आकाराचा दिसतो, ज्याला पौर्णिमा तिथी म्हणतात. या दिवशी भगवान विष्णू, लक्ष्मी आणि चंद्रदेवाची पूजा केली जाते. पौर्णिमेच्या दिवशी रात्री आकाशात पूर्ण चंद्राचे दर्शन होते. वर्षात 12 पौर्णिमा येतात. हिंदू धर्मात या दिवसाला विशेष धार्मिक महत्त्व असून सत्यनारायण पूजा आणि उपवास केला जातो. आता लवकरच चैत्र पौर्णिमा येत आहे. चैत्र पौर्णिमा ही वर्षातील काही महत्त्वाच्या पौर्णिमांपैकी एक पौर्णिमा आहे. याच दिवशी रामभक्त हनुमान यांचा जन्मोत्सव देखील साजरा होतो. (Chaitra Purnima)

चैत्र महिन्यातील शुक्ल पक्षातील पौर्णिमा तिथीला चैत्र पौर्णिमा म्हणतात. या दिवशी स्नान, दान आणि व्रताला विशेष महत्त्व आहे. मात्र यावेळी चैत्र पौर्णिमा 1 एप्रिल आणि 2 एप्रिल या दोन्हीही दिवशी येत आहे. त्यामुळे नक्की चैत्र पौर्णिमा कोणत्या दिवशी आहे, याबद्दल अनेक लोकांमध्ये गोंधळ आहे. आज आपण या लेखातून याबद्दल माहिती जाणून घेऊया. पंचांगानुसार चैत्र पौर्णिमा बुधवार 1 एप्रिल रोजी सकाळी 7 वाजून 6 मिनिटांनी सुरू होऊन गुरुवार 2 एप्रिल रोजी सकाळी 7 वाजून 41 मिनिटांपर्यंत असणार आहे. चैत्र पौर्णिमा बुधवार 1 एप्रिल रोजी सूर्योदय 6.11 वाजल्यापासून सुरू होत आहे. तर 2 एप्रिल रोजी सूर्योदय 6 वाजून 10 मिनिटांनी होईल. उद्यतिथीनुसार स्नान दान 2 एप्रिल रोजी केले जाईल आणि याच दिवशी चैत्र पौर्णिमा असेल. (Marathi)

चैत्र पौर्णिमा पूजा पद्धत
चैत्र पौर्णिमेच्या दिवशी ब्रह्म मुहूर्तावर नदीत स्नान करणे विशेष महत्त्वाचे मानले जाते. मात्र जर तुम्ही नदीत स्नान करू शकत नसाल तर आंघोळीच्या पाण्यात गंगाजल घालून घरी आंघोळ करा. चैत्र पौर्णिमेच्या दिवशी लक्ष्मी नारायणाची पूजा पूर्ण विधींसह करावी. या दिवशी भगवान विष्णूला पिवळ्या रंगाची फळे, फुले आणि कपडे अर्पण करावेत आणि देवी लक्ष्मीला गुलाबी किंवा लाल रंगाची फुले आणि सौंदर्यप्रसाधने अर्पण करावीत. चैत्र पौर्णिमेच्या दिवशी सत्यनारायणाची कथा वाचणे पुण्यपूर्ण मानले जाते. चैत्र पौर्णिमेच्या दिवशी पवित्र पाण्यात कच्चे दूध मिसळून चंद्राला अर्घ्य अर्पण करणे शुभ मानले जाते. चैत्र पौर्णिमेचा उपवास ठेवून या दिवशी लक्ष्मी नारायणाची पूजा केल्याने घरात सुख, समृद्धी आणि समृद्धी राहते. भारतातील विविध भागात पौर्णिमा व्रत पाळले जाते. (Top Stories)

=======

Hanuman : रावणाविरुद्ध युद्ध जिंकल्यानंतर रामाची वानरसेना गेली तरी कुठे?

=======

चैत्र पौर्णिमेच्या दिवशी व्रत आणि पूजा केल्याने कुटुंबामध्ये सुख-समृद्धी येते. देवी लक्ष्मीची पूजा केल्याने दारिद्र्य आणि पैशाशी संबंधित समस्या दूर होतात आणि संपत्तीमध्ये वाढ होते. रात्री चंद्राची पूजा केल्याने आणि अर्घ्य अर्पण केल्याने मजबूत होते आणि कुंडलीतील चंद्रदोष दूर होतो. चैत्र पौर्णिमेला स्नान आणि दान केल्याने पापांचा नाश होतो आणि पुण्याची प्राप्ती होते. स्नान झाल्यानंतर पितरांसाठी तर्पण आणि दान केले पाहिजे. ज्यामुळे पितरांचे आशीर्वाद मिळतात. चैत्र पौर्णिमा या दिवशी शिवाजी महाराज यांची पुण्यतिथीही असते. असं म्हणतात चैत्र पौर्णिमेस कृष्ण देवांनी रासलीला केली होती आणि सर्व गोपीकांसोबत कृष्ण देवांनी रात्रभर नृत्य केले होते. ब्रज मध्ये केलेल्या या उत्सवास महारास असेही म्हणतात. पौर्णिमेला सूर्यास्तानंतर चंद्र पूर्वेकडून उगविताना मोठ्या आकाराचा दिसेल. हिंदू वर्षानुसार ही या वर्षातली पहिली पौर्णिमा आहे. (Social News)

( टीप : वरील माहिती सामान्य माहितीवर आधारीत आहे. आम्ही या माहितीची कोणतीही पुष्टी करत नाही. आमचा उद्देश फक्त तुमच्यापर्यंत माहिती पोहोचवण्याचा आहे.)

Latest Marathi News | News in Marathi |  Live news Updates in Marathi on Trending Topics