सध्या उन्हाळा सुरू झाल्याने सर्वत्र उन्हाची तीव्रता जाणवत आहे. अनेकांना उन्हाळ्यात विविध समस्यांचा त्रास होतो. उन्हामुळे सर्वात मोठी समस्या निर्माण होती ती, डिहायड्रेशनची. उन्हामुळे शरीरातील पाणी कमी होते, आणि त्यामुळे इतर अनेक गंभीर त्रास देखील होतात. उन्हाळ्याच्या दिवसात सामान्य लोकांनाच अनेक त्रास होतात तर गर्भवती महिलांना किती त्रास होत असेल. या दिवसांमध्ये गर्भवती स्त्रियांना बऱ्याच शारीरिक समस्यांना तोंड द्यावे लागते. त्यामुळेच या ऋतूमध्ये गरोदर स्त्रियांनी स्वतःची काळजी अधिक घेणे आवश्यक आहे. मग उन्हाळ्यामध्ये घरातही कोणी गर्भवती स्त्री असेल तर तिची आणि पर्यायाने येणाऱ्या बाळाची व्यवस्थित काळजी कशी घ्यावी? (Summer Care)
हायड्रेशन
प्रखर उन्हात दीर्घकाळ काम केल्यामुळे शरीराला जास्त घाम येणं आपोआपच होतं. वेळोवेळी पाणी प्यायलं नाही तर डिहायड्रेशनची समस्या उद्भवू शकते. त्वचा कोरडी पडणे, तोंड कोरडे पडणे, डोळे कोरडे पडणे, जास्त तहान लागणे, हृदयाचे ठोके वाढणे, गर्भाच्या हृदयाच्या गतीची पद्धत बदलणे, इलेक्ट्रोलाइट असंतुलन इत्यादी समस्यांचा समावेश होतो.म्हणून आठवणीने पुरेसं पाणी, शहाळं, फळांचे रस पीत राहण्याचा सल्ला डॉक्टर देतात. उन्हाळ्यात गरोदर महिलांनी द्राक्षे, डाळिंब, टरबूज, पपई, सफरचंद, काकडी आणि नारळाच्या पाण्यासह जास्तीत जास्त रसदार फळांचे सेवन करावे. (Health)
सैल कपडे घाला
कॉटन किंवा लिनेन अशा नैसर्गिक फॅब्रिकपासून बनवलेले हलके आणि श्वास घेण्यासारखे कपडे परिधान केल्याने तुम्हाला उन्हाळ्याच्या दिवसात थंड आणि आरामदायी राहण्यास मदत होते. घट्ट बसणारे कपडे तुम्हाला अस्वस्थ करू शकतात आणि रक्त प्रवाह प्रतिबंधित करू शकतात. त्यामुळे तुमचे पाय आणि तळवे सूजू शकतात. (Latest Marathi News)
थकवा
शरीरात पाण्याच्या कमतरतेमुळे, नाडीची गती वाढते. ज्यामुळे हृदयाला रक्त पंप करण्यासाठी अधिक मेहनत करावी लागते. पाण्याच्या कमतरतेमुळे पेशी कमी होऊ लागतात आणि त्यामुळे डोकेदुखी होऊ शकते. नेहमीपेक्षा जास्त पाणी प्या कारण उष्णतेव्यतिरिक्त, गर्भधारणेच्या पहिल्या तीन महिन्यांत, उलट्यांमुळे पाण्याचे संतुलन देखील बिघडते. वातावरणातील आर्द्रतेची पातळी वाढल्यामुळे गरोदर महिलांना अस्थमा सारख्या श्वसनाच्या आजाराचा जास्त त्रास होतो. यामुळे दम्याचा झटका येण्याचा धोकाही वाढतो. (Marathi News)
उष्माघाताचा धोका
उष्माघातामुळे शरीराचे तापमान 104 F पर्यंत वाढलं तर ही आपत्कालीन परिस्थिती आहे. उष्माघातामुळे मेंदू, हृदय आणि मूत्रपिंडाचे नुकसान होऊ शकतं. त्याची लक्षणं अशी आहेत. मळमळ, उलट्या, हृदय गती वाढणं, डोकेदुखी आणि बोलण्यात अडचण इ. हे टाळण्यासाठी प्रखर उन्हात बाहेर जाणं टाळा, शक्य असल्यास सकाळी लवकर किंवा संध्याकाळी बाहेर जा. परंतु आपले डोकं टोपी किंवा स्कार्फने झाकून ठेवा. दिवसातून किमान 2-2.5 लिटर पाणी प्या. यामध्ये साध्या पाण्याशिवाय नारळपाणी, ओआरएस, ताज्या फळांच्या रसांचा समावेश करता येईल. (Top Stories)
चक्कर येणे
शरीरात पाण्याच्या कमतरतेमुळे शरीरात होत असलेलं रक्ताभिसरण मेंदूसाठी अपुरं पडतं. यामुळे रक्तदाब कमी होतो आणि मेंदूमध्ये ऑक्सिजनची उणीव भासते. परिणामी चक्कर येणे, स्नायू पेटके, सोडियम, पोटॅशियम, कॅल्शियम, क्लोराईड यांसारख्या इलेक्ट्रोलाइट्सचं असंतुलन होतं. हे टाळायचं असेल तर जास्त आर्द्रता असलेल्या ठिकाणी जाणे टाळावं आणि जावं लागलं तरी सैल सुती कपडे घालावेत. (Todays Marathi Headline)
बाहेर पडणे टाळावे
आवश्यक असल्याशिवाय उन्हाळ्यात उन्हात बाहेर पडणे टाळावे. तुम्हाला त्वचेशी संबंधित समस्या तर आहेतच, शिवाय रक्तदाबातही चढ-उतारांना सामोरे जावे लागू शकते. अशावेळी उन्हात बाहेर पडताना सनग्लासेस आणि समर टोपी घालायला विसरू नका, फिजिकल सनस्क्रीन लावायला विसरू नका. (Top Marathi News)
योग्य व्यायाम
गरोदर महिलांसाठी व्यायाम अतिशय आवश्यक आहे. यामुळे आई तसेच बाळ निरोगी राहते आणि गरोदरपणात शरीरात हार्मोनल बदलांमुळे होणारे मूड स्विंग्स देखील तुम्ही अॅक्टिव्ह राहून आणि शारीरिकरित्या सक्रिय राहून कमी करू शकता. यामुळे तुमचे मन ही शांत होईल आणि नॉर्मल डिलिव्हरीची शक्यताही बऱ्याच अंशी वाढू शकाल. मात्र यासाठी सर्वप्रथम आपल्या डॉक्टरांचा सल्ला घ्या आणि आपल्या तपासणीनंतर त्यांनी सांगितलेला व्यायाम पाळा. (Latest Marathi Headline)
========
Mental Stress : अति विचारांमुळे वाढतो आजारांचा धोका
धावपळीच्या आयुष्यात महिलांनी अशा पद्धतीने दूर करा मानसिक थकवा
Heatwave Effects : वाढत्या उष्णतेचा इशारा आरोग्यावर गंभीर परिणाम
========
सकस आहार
निरोगी आणि संतुलित आहार घेणं तुमच्यासाठी आणि तुमच्या वाढत्या बाळासाठी आवश्यक आहे. उन्हाळ्याच्या महिन्यांत निरोगी आणि उत्साही राहण्यासाठी आपल्या आहारात ताजी फळे, भाज्या आणि प्रथिनेयुक्त पदार्थांचा समावेश करा. प्रक्रिया केलेले पदार्थ, साखरेचे प्रमाण जास्त असलेले अन्न आणि कॅफिन टाळा. (Top Trending Headline)
रात्री थंड राहा
गरोदरपणात पुरेशी झोप घेणं महत्त्वाचं असते. परंतु उन्हाळ्याच्या ऋतूमध्ये जेव्हा तापमान जास्त असते तेव्हा ते आव्हानात्मक असते. रात्रीच्या वेळी तुमची बेडरूम थंड आणि आरामदायक ठेवण्यासाठी पंखे किंवा एसी वापरा. तुमच्या शरीराचे तापमान नियंत्रित करण्यात मदत करण्यासाठी नॅचरल फायबर्सने बनवलेले हलके आणि श्वास घेण्यायोग्य नाइटवेअर घाला. (Social News)
(टीप – या लेखातील माहिती सर्वसामान्य गृहीतकांवर आधारित आहे. या माहिती संदर्भात आम्ही कोणताही दावा करत नाही. आरोग्यविषयक कोणत्याही समस्यांसाठी डॉक्टरांचा सल्ला अवश्य घ्या)
Latest Marathi News | News in Marathi | Live news Updates in Marathi on Trending Topics
