Vitamin A Deficiency : आपल्या शरीराच्या निरोगी कार्यासाठी विविध जीवनसत्त्वे अत्यंत महत्त्वाची असतात. त्यापैकी व्हिटॅमिन A हे डोळ्यांच्या आरोग्यासाठी, त्वचेच्या चमकासाठी आणि रोगप्रतिकारशक्ती मजबूत ठेवण्यासाठी आवश्यक आहे. मात्र, आहारात योग्य प्रमाणात व्हिटॅमिन A न मिळाल्यास शरीरात त्याची कमतरता निर्माण होते. ही कमतरता सुरुवातीला साध्या लक्षणांद्वारे दिसून येते, पण वेळेत लक्ष न दिल्यास गंभीर समस्या उद्भवू शकतात.
1. दृष्टी कमी होणे आणि रातांधळेपणा
व्हिटॅमिन A ची कमतरता असल्यास सर्वात आधी डोळ्यांवर परिणाम होतो. विशेषतः रात्री किंवा कमी प्रकाशात स्पष्ट दिसत नाही, याला ‘नाईट ब्लाइंडनेस’ म्हणजेच रातांधळेपणा म्हणतात. डोळे कोरडे पडणे, जळजळ होणे किंवा वारंवार पाणी येणे ही लक्षणेही दिसू शकतात. दीर्घकाळ दुर्लक्ष केल्यास दृष्टीवर कायमस्वरूपी परिणाम होऊ शकतो.
2. त्वचा कोरडी आणि निस्तेज होणे
व्हिटॅमिन A त्वचेच्या पेशींच्या पुनर्निर्मितीसाठी आवश्यक असते. त्याची कमतरता असल्यास त्वचा कोरडी, खडबडीत आणि निस्तेज दिसू लागते. काही लोकांना त्वचेवर पांढरे डाग किंवा खाज सुटण्याची समस्या देखील जाणवते. त्वचेचा नैसर्गिक ग्लो कमी होणे हेही एक महत्त्वाचे संकेत आहे.
3. रोगप्रतिकारशक्ती कमी होणे
जर तुम्हाला वारंवार सर्दी, खोकला किंवा इन्फेक्शन होत असेल, तर ते व्हिटॅमिन A च्या कमतरतेचे लक्षण असू शकते. हे जीवनसत्त्व शरीराच्या इम्युन सिस्टीमला मजबूत ठेवते. त्याची कमतरता असल्यास शरीराला आजारांशी लढण्याची क्षमता कमी होते आणि लहानसहान आजारही वारंवार होऊ लागतात.
4. केस गळणे आणि नखं कमकुवत होणे
व्हिटॅमिन A चा अभाव केसांच्या आरोग्यावरही परिणाम करतो. केस कोरडे, कमकुवत होऊन गळायला लागतात. त्याचप्रमाणे नखं ठिसूळ होऊन लवकर तुटतात. हे संकेत शरीरात पोषणतत्त्वांची कमतरता दर्शवतात.
=========
हे देखील वाचा :
Health Care : वयाच्या चाळीशीतही हाडं राहतील मजबूत, डाएटमध्ये समावेश करा हे फूड्स
Health Care : आहारात मीठ कमी केल्याने होतात हे जबरदस्त फायदे; अनेक आजारांपासूनही राहाल दूर
Weight Management : वारंवार वजन कमी-वाढले जाते? लाइफस्टाइलमध्ये करा हे 5 बदल, वजन राहील नियंत्रणात
==========
5. थकवा आणि वाढीवर परिणाम
विशेषतः लहान मुलांमध्ये व्हिटॅमिन A ची कमतरता असल्यास त्यांच्या शारीरिक वाढीवर परिणाम होऊ शकतो. तसेच प्रौढांमध्ये सतत थकवा, अशक्तपणा जाणवतो. शरीराला आवश्यक ऊर्जा मिळत नसल्यामुळे दैनंदिन कामांमध्ये उत्साह कमी होतो.
व्हिटॅमिन A वाढवण्यासाठी काय खावे?
आहारात गाजर, रताळे, पालक, मेथी, अंडी, दूध, आंबा आणि पपई यांचा समावेश केल्यास व्हिटॅमिन A ची कमतरता भरून निघू शकते. नियमित आणि संतुलित आहार घेणे हेच यावर सर्वात प्रभावी उपाय आहे.
Latest Marathi News | News in Marathi | Live news Updates in Marathi on Trending Topics
