Natural Face Care : स्वच्छ आणि मऊ त्वचा प्रत्येकालाच हवी असते. मात्र चेहऱ्यावर दिसणारे मोठे किंवा ओपन पोर्स (Open Pores) सौंदर्यावर परिणाम करतात. विशेषतः नाक, गाल आणि कपाळावर ओपन पोर्स अधिक जाणवतात. यामुळे त्वचा रफ दिसते, मेकअप नीट बसत नाही आणि पिंपल्सही लवकर होतात. बाजारातील महागड्या प्रॉडक्ट्सऐवजी काही सोपे, नैसर्गिक आणि घरगुती उपाय नियमित केल्यास ओपन पोर्स कमी होण्यास नक्कीच मदत होते.
ओपन पोर्स का होतात?
ओपन पोर्स होण्यामागे अनेक कारणे असतात. त्वचेतील अतिरिक्त तेल (Excess Oil), धूळ-माती, प्रदूषण, हार्मोनल बदल, वाढते वय आणि योग्य स्किन केअर न करणे ही प्रमुख कारणे आहेत. तेलकट त्वचेमध्ये पोर्स लवकर बंद होतात आणि त्याचा आकार मोठा दिसू लागतो. तसेच, सूर्यप्रकाशामुळे त्वचेची लवचिकता कमी होते, ज्यामुळे पोर्स अधिक ठळक दिसतात. त्यामुळे पोर्स कमी करण्यासाठी नियमित स्वच्छता आणि नैसर्गिक उपाय आवश्यक आहेत.
बर्फ आणि गुलाबपाणी
बर्फ हा ओपन पोर्ससाठी सर्वात सोपा आणि प्रभावी उपाय आहे. रोज सकाळी किंवा रात्री चेहरा धुतल्यानंतर बर्फाचा तुकडा हलक्या हाताने पोर्सवर फिरवा. यामुळे त्वचा टाईट होते आणि पोर्स लहान दिसू लागतात. याशिवाय गुलाबपाणी हा दुसरा उत्तम उपाय आहे. गुलाबपाण्यात नैसर्गिक टोनिंग गुणधर्म असतात. कापसाच्या बोळ्याने रोज गुलाबपाणी चेहऱ्यावर लावल्यास पोर्स क्लीन होतात आणि त्वचेला फ्रेशनेस मिळतो.
मुलतानी माती आणि अंड्याचा पांढरा भाग
मुलतानी माती ही अतिरिक्त तेल शोषून घेते आणि पोर्स स्वच्छ करते. आठवड्यातून 1–2 वेळा मुलतानी मातीमध्ये गुलाबपाणी किंवा पाणी मिसळून फेस पॅक लावा. 15 मिनिटांनी धुवा. त्यासोबत अंड्याचा पांढरा भाग (Egg White) त्वचेला टाईट करण्यासाठी अत्यंत फायदेशीर आहे. अंड्याचा पांढरा भाग चेहऱ्यावर लावून सुकू द्या आणि नंतर कोमट पाण्याने धुवा. यामुळे पोर्स लहान दिसू लागतात.(Natural Face Care)
===========
हे देखील वाचा :
Lip Care : काळवंडलेल्या ओठांसाठी घरच्याघरी करा हा उपाय, आठवड्याभरात दिसेल फरक
Skin Care Tips : वयाच्या 30 नंतर त्वचेची अशी घ्या काळजी, दिसाल चिरतरुण
थंडीत कोरड्या ओठांना थुंकी लावून ओलसर करता? वाचा Lip Licking Syndrome चे नुकसान
===========
अॅलोवेरा जेल आणि योग्य सवय
ताजं अॅलोवेरा जेल रात्री झोपण्यापूर्वी चेहऱ्यावर लावल्यास त्वचा हायड्रेट राहते आणि पोर्स हळूहळू कमी होतात. अॅलोवेरामध्ये अँटी-इन्फ्लेमेटरी गुणधर्म असल्यामुळे त्वचा शांत राहते. यासोबतच, रोज चेहरा स्वच्छ धुणे, सनस्क्रीन वापरणे, जास्त मेकअप टाळणे आणि पुरेसे पाणी पिणे या सवयी ठेवल्यास ओपन पोर्सची समस्या नियंत्रणात राहते.
Latest Marathi News | News in Marathi | Live news Updates in Marathi on Trending Topics
