आपल्या शरीराच्या कोणत्याही भागावर साधी टाचणी टोचली किंवा मुंगी जरी चावली तरी त्रास होतो. हा त्रास जास्त नसला तरी काही वेळ आपल्याला जाणवतो. म्हणजेच काय तर आपले शरीर अतिशय संवेदनशील आहे. असे असले तरी आपण केस किंवा नखं कापतो तेव्हा मात्र आपल्याला अजिबातच त्रास होत नाही. उलट वाढलेले अतिरिक्त केस आणि नखं कापणे हा स्वच्छतेचाच एक भाग समजला जातो. टाचणी टोचली तरी आई गं….. म्हणणारे आपण केस कापताना अनेकदा कात्री लागून देखील शांत असतो तर नेलकटरने कट कट करत नखं मजेत कापतो. केस आणि नखं वेळोवेळी कापल्यास आपले आरोग्य चांगले राहते. हा जरी एक भाग असला तरी नखं आणि केस कापताना आपल्याला त्रास का होत नाही चला जाणून घेऊया. (Marathi)
नखे आणि केस कापताना वेदना होत नसण्याचे कारण म्हणजे मृत पेशी. नखे आणि केस दोन्हीमध्ये मृत पेशी असतात आणि त्यामुळे ते कापताना वेदना होत नाहीत. नखे आणि केसांच्या मृत पेशींमध्ये केराटिन नावाचे प्रथिन आढळते, जे पूर्णपणे निर्जीव असते. म्हणूनच जेव्हा आपण नखे कापतो तेव्हा वेदना होत नाहीत. पण त्वचेला लागून असलेल्या नखेच्या भागात हे प्रथिने नसते; त्याऐवजी, तिथे जिवंत पेशी आहेत. म्हणूनच जेव्हा आपण त्वचेच्या अगदी जवळून नखे कापतो तेव्हा आपल्याला वेदना होतात. नखे ही आपल्या त्वचेपासून जन्माला येतात. हीच नखे केराटिन नावाच्या घटकापासून बनतात. नखांची मुळे हे आपल्या त्वचेच्या आत असून नखांच्या खाली असलेली आपली त्वचा ही शरीराच्या अन्य भागांसारखीच असते. (Latest Marathi Headline)
केराटिन शरीरासाठी महत्त्वाचे असते. शरीरात या प्रथिनांची कमतरता असल्यास केस गळणे, कोरडे होणे किंवा केस पांढरे होणे यांसारख्या समस्या उद्भवू शकतात. जेव्हा शरीरात केराटिनची कमतरता असते, तेव्हा त्याचा परिणाम नखांवरही होतो. यामुळे नखे कमकुवत होतात आणि थोड्याशा कामामुळे ती तुटू लागतात. योग्य पोषणाअभावी केस लवकर पांढरे होतात. यासोबतच कोंडा, केस गळणे यासारख्या समस्याही उद्भवू लागतात. केराटिनच्या कमतरतेमुळे केस गळतात किंवा नखे तुटतात. (Top Stories)
केसांच्या बाबतीतही अगदी असेच घडते. केस मृत पेशींपासून बनलेले असतात. त्यामुळे, त्यांना कापताना किंवा छाटताना वेदना होत नाहीत. दुसरीकडे, केराटिन प्रथिने केसांसाठी आवश्यक मानली जातात. जर शरीरात केराटिन प्रथिनांची कमतरता असेल तर केस गळू लागतात, कोरडे होतात आणि पांढरे होतात. म्हणूनच डॉक्टर नखे आणि केसांच्या वाढीसाठी पुरेसे प्रथिने सेवन करण्याची शिफारस करतात. जेव्हा शरीरात केराटिन प्रथिने असतात तेव्हा त्याचा नखांवरही परिणाम होतो आणि ते कमकुवत होतात आणि थोडे काम करूनही तुटू लागतात. (Social News)
Latest Marathi News | News in Marathi | Live news Updates in Marathi on Trending Topics
