Baglamukhi Temple : तंत्र विद्येची देवी समजली जाणारी जागृत बगलामुखी देवी

भारतात भरपूर मंदिरं असून, प्रत्येक मंदिराची ओळख आणि विशेषतः वेगळी आहे. भारतातील मंदिरं कायमच चर्चेचा विषय असतात. या मंदिरांचे वैशिष्ट्य आणि मंदिरांमध्ये जाणवणारे चमत्कार सतत भाविकांना आकर्षित करतात. भारतातील मंदिरांपैकी एक मंदिर म्हणजे, ‘बगलामुखी मंदिर’. प्राचीन ग्रंथात दहा महाविभुतींचा उल्लेख आलेला आहे. त्यातील एक म्हणजे बगलामुखी देवी. देवांची देवी म्हणून बगलामुखी देवीला महत्त्व प्राप्‍त झाले आहे. बगलामातेची देशात फक्त तीन ठिकाणीच प्राचीन मंदिरे आहेत. त्यांना सिद्धपीठ म्हटले जाते. (Baglamukhi Temple)

मध्य प्रदेश राज्यातील नलखेडा येथील जगातील सर्वात प्राचीन माता बगलामुखीच्या मंदिरात कायमच भक्तांची अलोट गर्दी पाहायला मिळते. शत्रूंचा नायनाट करणारी नकारात्मक ऊर्जा संपुष्टात आणणारी देवी अशी तिची ओळख. बगला या शब्दाचा अर्थ लगाम लावणे किंवा एखादी क्रिया थांबवणे. तर मुखी याचा अर्थ चेहरा असा होतो. म्हणूनच शत्रूंच्या वाईट चालीवरती लगाम लावण्याचे काम ही देवी करते अशी मान्यता आहे. हळदीच्या रंगाच्या पाण्यातून ही देवी प्रकट झाल्याचे म्हणतात. म्हणून हळदीच्या पिवळ्या रंगामुळे देवीला पितांबरा देवी असेही म्हणतात. (Todays Marathi Headline)

या देवीची अनेक रूपे आहेत. रात्री या महाविद्येची पूजा केल्यास विशेष यश प्राप्त होते. त्यांचा भैरव महाकाल आहे. बगलामुखी देवीचा रंग सुवर्णासारखा पिवळा आहे. देवीचे वस्त्र, प्रसाद आणि तिचं आसन सगळी गोष्ट पिवळ्या रंगांत असते. देवीला पिवळा रंग हा अत्यंत प्रिय आहे म्हणूनच देवीच्या पूजेमध्ये पिवळ्या रंगांचा उपयोग केला जातो. देवीची उपासना करताना साधकाने पिवळे वस्त्र परिधान केले पाहिजे, अशी देखील येथील रित आहे. (Top Marathi News)

माँ बगलामुखीची स्वयंभू मूर्ती आहे. हे स्मशानभूमीत वसलेले आहे. महाभारत युद्धाच्या 12व्या दिवशी भगवान श्रीकृष्णाच्या सूचनेनुसार स्वतः धर्मराजा युधिष्ठिर यांनी याची स्थापना केली होती असे म्हणतात. देवी ही बगलामुखी तंत्राची देवी आहे. तंत्र साधनेत यश मिळवण्यासाठी सर्वप्रथम देवी बगलामुखीला प्रसन्न करावे लागते. धार्मिक ग्रंथानुसार वैशाख शुक्ल अष्टमीला बगलामुखी मातेची जयंती साजरी केली जाते. भारतात माँ बगलामुखीची फक्त तीन प्रमुख ऐतिहासिक मंदिरे मानली जातात जी अनुक्रमे दतिया (मध्य प्रदेश), कांगडा (हिमाचल) आणि नलखेडा येथे आहेत. (Social Updates)

माता बगलामुखी स्तंभव शक्तीची अधिष्ठाता देवता आहे, म्हणजेच देवी आपल्या भक्तांचे भय दूर करते आणि शत्रू आणि त्यांच्या वाईट शक्तींचा नाश करते. बगलामुखी मातेचे दुसरे नाव पितांबरा देखील आहे. प्राचीन तंत्रग्रंथांमध्ये दहा महाविद्यांचा उल्लेख आहे. त्यापैकी एक म्हणजे बगलामुखी. सर्व देवींमध्ये माँ भगवती बगलामुखीचे महत्त्व विशेष आहे. (Latest Marathi Headline)

भारतात माँ बगलामुखीची फक्त तीन प्रमुख ऐतिहासिक मंदिरे मानली जातात जी अनुक्रमे दतिया (मध्य प्रदेश), कांगडा (हिमाचल) आणि नलखेडा जिल्हा शाजापूर (मध्य प्रदेश) येथे आहेत. तिघांचेही आपापले वेगळे महत्त्व आहे. मध्य प्रदेशात हे त्रिमुखी त्रिशक्ती माता बगलामुखी मंदिर शाजापूर तहसील नलखेडा येथे लाखुंदर नदीच्या काठावर आहे. द्वापर काळातील हे मंदिर अतिशय चमत्कारिक आहे. देशभरातून शैव आणि शाक्त संत आणि ऋषी तांत्रिक विधीसाठी येथे येत असतात. (Top Trending News)

या मंदिरात माता बगलामुखी व्यतिरिक्त माता लक्ष्मी, कृष्ण, हनुमान, भैरव आणि सरस्वती देखील आहेत. या मंदिराची स्थापना महाभारतात विजय मिळविण्यासाठी भगवान कृष्णाच्या सूचनेनुसार महाराज युधिष्ठिर यांनी केली होती. येथील बगलामुखी मूर्ती स्वयंभू असल्याचेही मानले जाते. हे अतिशय प्राचीन मंदिर आहे. 1815 मध्ये या मंदिराचा जीर्णोद्धार करण्यात आला. या मंदिरात लोक आपल्या इच्छा पूर्ण करण्यासाठी किंवा कोणत्याही क्षेत्रात विजय मिळविण्यासाठी यज्ञ, हवन किंवा पूजा करतात. (Top Stories)

========

Chaitragauri : चैत्र महिन्यात तृतीयेला येणारी चैत्रगौरी

Navratri : जाणून घ्या चैत्र आणि अश्विन नवरात्रात नेमका फरक काय?

========

पुराणात अनेक ठिकाणी बगलामुखी देवीचे संदर्भ आढळतात. त्यापैकी एक म्हणजे एकदा दानवाने ब्रम्ह देवांचा ग्रंथ चोरून पाताळात लपवून ठेवला. त्याला पाण्यामध्ये मनुष्य किंवा देवता मारू शकणार नाहीत अस वरदान होतं. अशा वेळी ब्रम्हदेवांनी देवी भगवतीची उपासना केली आणि यातून श्रीबगलामुखी देवी अवतरली. देवीने बगळ्याचे रुप धारण करून त्या दानवाचा वध केला आणि ब्रम्हदेवाला त्यांचा ग्रंथ परत केला. तर दुसरा संदर्भ असा सत्ययुगात एकदा सृष्टीत भयंकर असं वादळ आलं. या वादळाला शांत करण्यासाठी भगवान श्री विष्णूने तपश्चर्या करून श्री बगलामुखी देवीला प्रसन्न करून घेतले. तर लंकेवर विजय मिळविण्यासाठी श्री रामांनी देखील शत्रूनाशी श्री बगलामुखी देवीचे पूजन केलं होतं आणि त्यामुळेच त्यांना विजय प्राप्त झाला आणि म्हणूनच कोर्ट कचेरी, वादविवाद आणि गुप्त शत्रूंपासून संरक्षण मिळविण्यासाठी या देवीची साधना केली जाते. या महाविद्या देवीची उपासना रात्रीच्या वेळी केल्याने विशेष सिद्धी प्राप्त होते, असे देखील म्हणतात. (Social News)

(टीप :वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)

Latest Marathi News | News in Marathi | Live news Updates in Marathi on Trending Topics