संपूर्ण जगामध्ये भारतीय जेवण प्रसिद्ध आहे. या जेवणाचे चाहते परदेशी लोकं देखील आहेत. भारतीय लोकांचे जेवण हे मसाल्यांशिवाय कायम अपूर्ण असते. मात्र या जेवणामध्ये अजून काही गोष्टी आहेत, ज्या आपल्या जेवणामध्ये कायम असतातच असतात. कांदा, टोमॅटो आणि लसूण यांच्याशिवाय जेवणाची आपण कल्पनाच करू शकत नाही. काही पदार्थांमध्ये कांदा, टोमॅटो नाही टाकला तरी लसूण तर बहुतांशी भाज्यांमध्ये, आमट्यांमध्ये वापरलाच जातो. (Green Garlic)
लसूण हा केवळ पदार्थांना उत्तम चव आणण्यासाठीच नाही तर आपल्या आरोग्यासाठी देखील फायदेशीर आहे. हे तर जवळपास सगळ्यांनाच माहिती आहे. मात्र लसणाइतकीच लसणाची पात किंवा हिरवा लसूण देखील खूपच लाभदायक आहे. हिवाळा सुरु झाला की, बाजारात बऱ्याच ठिकाणी लसणाची पात आपल्याला पाहायला मिळते. अनेक भाज्यांमध्ये ही पात वापरली जाते. काही ठिकाणी तर कांद्याच्या पातीसारखी लसणाच्या पातीची देखील भाजी केली जाते. मग हिरवा लसूण किंवा लसणाची पात यांचे नक्की आरोग्याच्या दृष्टीने कोणते फायदे आहेत, चला जाणून घेऊया. (Marathi)
जमिनीत आपण दररोज वापरत असलेला पांढरा लसणाचा गड्डा पूर्ण तयार होण्याआधी जमिनीच्यावर लसणाची हिरवी गार पानं येतात किंवा ते असतातच, याच पानांना लसणाची पात म्हटले जाते. या लसणाच्या पातीचा वापर भाजी, कोशिंबीर, सूप किंवा चटणी आदी अनेक पदार्थ तयार करण्यासाठी केला जातो. हिरव्या लसणात भरपूर पोषक तत्व असतात सोडियम, पोटॅशियम, लोह, कॅलरीज, कार्बोहायड्रेट्स, आहारातील फायबर, प्रथिने इ. हा हिरवा लसूण आपले अनेक जुने नवीन आजार बरे करण्यासाठी वापरला जातो. (Top Marathi News)
– हिरव्या लसणात अॅलिसिन नावाचे अँटीऑक्सिडंट भरपूर प्रमाणात असते. हे कोलेस्ट्रॉल कमी करण्यासाठी सक्रिय घटक म्हणून कार्य करते, शरिरातील जळजळ कमी करते, सर्दी, खोकला आणि फ्लूपासून आपला बचाव करते.
– हिरव्या लसणात एलिसिन नावाचा अँटिऑक्सिडंट घटक भरपूर प्रमाणात असतो. शरीरातील कोलेस्ट्रॉल कमी करण्यासाठी एलिसिन खूप मदत करते.
– हिरव्या लसणात अॅलिसिन नावाचे सल्फर कंपाऊंड असते, याच कंपाऊंडमुळे लसणाचा एक खासप्रकारचा v वास येतो. मुख्य म्हणजे याच खास कंपाऊंडमुळे, विशिष्ट सल्फर पदार्थामुळे रोगप्रतिकारक शक्ती वाढते. (Latest Marathi Headline)
– एका अभ्यासानुसार लसणात असलेल्या एलिसिनमुळे कॅन्सरसारख्या गंभीर आजाराच्या शरीरातील पेशींची वाढ रोखण्यास काही प्रमाणात मदत होते.
– हिरवा लसूण अँटी-बॅक्टेरियल गुणधर्मांनी समृद्ध आहे. याव्यतिरिक्त, त्यात दाहक-विरोधी घटक देखील असतात, जे अनेक प्रकारच्या संक्रमणांपासून संरक्षण करतात. याशिवाय लसणाच्या पानात लोह मुबलक प्रमाणात असते. ज्या लोकांचे रक्त कमी आहे किंवा त्यांच्या शरीरात अशक्तपणा आहे, त्यांनी लसणाची पानं अवश्य खा. (Top Stories)
– लसूण हृदयासाठी एक उत्तम आहे. हिरव्या लसणात पॉलिसल्फाइड असते, जे हृदयाला निरोगी ठेवण्यास मदत करते. यात मँगनीज असते, हे खनिज शरीरात चांगली कोलेस्ट्रॉल पातळी राखते. शरीरात जितके जास्त मँगनीज असेल तितके हृदय चांगले राखण्यासाठी HDL चे प्रमाण जास्त असते.
========
Winter Foods : थंडीत शरीर उष्ण राहण्यासाठी खा हे फूड्स, रोगप्रतिकारक शक्तीही वाढेल
========
हिरव्या लसणाची चटणी
साहित्य:
लसणीची पात – १ जुडी, टोमॅटो – ३, हिरव्या मिरच्या ३-४, मूठभर कोथिंबीर, चमचाभर जीरे, मोहरी, चवीपुरते मीठ, फोडणीसाठी तेल, हिंग
कृती : लसणाची पात धुवून चिरून घ्या. चिरलेली पात, टोमॅटो, कोथिंबीर, मिरच्या, जीरे आणि मीठ मिक्सरला बारीक वाटून घ्या. तेल कडकडीत तापवून हिंग मोहोरीचा तडका करा. त्यात वाटलेली पेस्ट घाला. पाणी आटेपर्यंत परता. हिरवी चटणी तयार. (Top Trending News)
______________________________________________________________________________________________________________________________________
लसणाच्या पातीचा ठेचा
साहित्य:
लसणाची पात १ जूडी, लाल मिरच्या ४, जीरे १/४ टीस्पून, भाजलेले शेंगदाणे १ टेबलस्पून, चवीनुसार मीठ, फोडणीसाठी तेल, हिंग, जीरे
कृती: प्रथम आपण लसणाची पात स्वच्छ धुऊन पुसून चिरून घ्यावी. त्यानंतर मिक्सरमध्ये पात, लाल मिरची, जीरे, भाजलेले शेंगदाणे, चवीनुसार मीठ घालून मिक्सरमध्ये वाटून घ्यावे. नंतर एक कढईमधे तेल गरम करून त्यात हिंग, जीरे घालून मग त्यात मिक्सरमध्ये वाटून घेतलेली ठेचा घालून परतावे घ्यावे. (Social News)
Latest Marathi News | News in Marathi | Live news Updates in Marathi on Trending Topics
