Cancer : हा आजच्या काळातील सर्वात गंभीर आणि वेगाने वाढणाऱ्या आजारांपैकी एक मानला जातो. पूर्वी कर्करोग प्रामुख्याने वयस्क लोकांमध्ये आढळत होता, मात्र बदलती जीवनशैली, आहाराच्या सवयी आणि वाढता ताणतणाव यामुळे तरुण वयोगटातही या आजाराचे प्रमाण वाढताना दिसत आहे. तज्ज्ञांच्या मते, कर्करोग अचानक होत नाही, तर वर्षानुवर्षे शरीरावर होत असलेल्या चुकीच्या सवयींचा हा परिणाम असतो. वेळेवर योग्य बदल केले, तर कर्करोगाचा धोका मोठ्या प्रमाणात कमी करता येऊ शकतो. (Cancer)
सर्वात मोठा जोखीम घटक म्हणजे अस्वास्थ्यकर आहार. जास्त प्रमाणात फास्ट फूड, तळलेले पदार्थ, प्रक्रिया केलेले मांस (Processed Meat), साखरयुक्त पेये आणि पॅकेज्ड अन्नाचे सेवन केल्याने शरीरात विषारी घटक वाढतात. यामुळे पचनसंस्था बिघडते आणि पेशींमध्ये दाह (Inflammation) निर्माण होतो. हिरव्या भाज्या, फळे, संपूर्ण धान्ये आणि फायबरयुक्त आहार कमी प्रमाणात घेतल्यास शरीराची रोगप्रतिकारक शक्ती कमकुवत होते. परिणामी कर्करोगासारख्या आजारांसाठी पोषक वातावरण तयार होते, असे तज्ज्ञांचे मत आहे. (Cancer)
धूम्रपान आणि मद्यपान हे कर्करोगाचे प्रमुख कारण मानले जाते. सिगारेट, बीडी, तंबाखू, गुटखा यामध्ये असलेले रसायन थेट शरीरातील पेशींना नुकसान पोहोचवतात. फुफ्फुसांचा कर्करोग, तोंडाचा कर्करोग, घशाचा कर्करोग यामागे तंबाखूचे सेवन मोठ्या प्रमाणात कारणीभूत असते. तसेच नियमित मद्यपान केल्याने यकृत, स्तन आणि पचनसंस्थेशी संबंधित कर्करोगाचा धोका वाढतो. अनेकदा “थोडं चालतं” या मानसिकतेमुळे लोक या सवयी वर्षानुवर्षे चालू ठेवतात आणि नंतर गंभीर परिणामांना सामोरे जावे लागते. (Cancer)
आजकालची बसून काम करण्याची जीवनशैली आणि शारीरिक हालचालींचा अभाव हाही मोठा धोका ठरत आहे. व्यायाम न केल्यामुळे लठ्ठपणा वाढतो आणि लठ्ठपणा हा स्वतः कर्करोगाचा एक महत्त्वाचा जोखीम घटक मानला जातो. विशेषतः स्तनाचा कर्करोग, गर्भाशयाचा कर्करोग आणि आतड्यांचा कर्करोग यामध्ये वजन वाढीचा थेट संबंध आढळतो. दिवसातून किमान 30 मिनिटे चालणे, योगासनं किंवा हलका व्यायाम केल्यास शरीरातील हार्मोन्स संतुलित राहतात आणि पेशींचे आरोग्य सुधारते. (Cancer)
==================
हे देखिल वाचा :
Skin Cancer : स्किन कॅन्सरचा धोका कोणाला असतो? जाणून घ्या लक्षणे
====================
याशिवाय मानसिक ताणतणाव, अपुरी झोप आणि प्रदूषण हेही कर्करोगाला आमंत्रण देणारे घटक आहेत. सततचा ताण शरीरातील हार्मोनल बॅलन्स बिघडवतो आणि रोगप्रतिकारक शक्ती कमी करतो. रात्री पुरेशी झोप न मिळाल्यास पेशींची दुरुस्ती प्रक्रिया मंदावते. तसेच वायू प्रदूषण, रसायनांचा संपर्क आणि सूर्यप्रकाशातील अतिनील किरणांपासून योग्य संरक्षण न घेणे यामुळेही कर्करोगाचा धोका वाढू शकतो. म्हणूनच वेळेवर जीवनशैलीत सकारात्मक बदल करणे हेच कर्करोगापासून संरक्षणाचे सर्वात प्रभावी साधन आहे. (Cancer
Latest Marathi News | News in Marathi | Live news Updates in Marathi on Trending Topics
