Summer : उन्हाळ्याच्या दिवसांत काही व्यवसायांना अचानक मोठी मागणी मिळते. तापमान वाढल्यामुळे थंड पेये, आईस्क्रीम आणि कूलिंग प्रॉडक्ट्सची विक्री झपाट्याने वाढते. अशाच काळात कमी गुंतवणुकीत सुरू करता येणारा एक फायदेशीर पर्याय म्हणजे ज्यूस आणि शेक सेंटर. फक्त 1 ते 2 लाख रुपयांच्या गुंतवणुकीत हा व्यवसाय सुरू करून दरमहा चांगले उत्पन्न मिळवता येऊ शकते, असे तज्ज्ञ सांगतात.
या व्यवसायासाठी फार मोठ्या जागेची गरज नसते. रस्त्याच्या कडेला, मार्केट एरिया, कॉलेजजवळ किंवा गर्दीच्या ठिकाणी एक छोटासा स्टॉल उभारूनही सुरुवात करता येते. सुरुवातीला ज्यूस मशीन, फ्रिज, काउंटर आणि कच्चा माल यावर खर्च करावा लागतो. फळे, दूध, साखर आणि ड्रायफ्रूट्स यांचा वापर करून विविध प्रकारचे ज्यूस आणि शेक्स तयार करता येतात.
उन्हाळ्यात ग्राहकांना ताजे आणि थंड पेय आवडते. त्यामुळे ऑरेंज ज्यूस, वॉटरमेलन ज्यूस, मँगो शेक, बनाना शेक यांसारख्या पदार्थांना मोठी मागणी असते. जर तुम्ही चांगली क्वालिटी आणि स्वच्छता राखली, तर ग्राहकांचा विश्वास पटकन जिंकता येतो. तसेच नवीन फ्लेवर्स आणि आकर्षक प्रेझेंटेशनमुळे ग्राहकांना आकर्षित करता येते.
तज्ज्ञांच्या मते, या व्यवसायात नफा मिळवण्यासाठी योग्य ठिकाणाची निवड आणि किमतीचे नियोजन महत्त्वाचे आहे. दररोज 100 ते 200 ग्राहक मिळाले, तर सहजपणे 40 ते 50 हजार रुपये महिन्याला कमाई होऊ शकते. सुरुवातीला थोडा मेहनत आणि मार्केटिंग केल्यास हा व्यवसाय लवकरच स्थिर होतो.
=======================
हे देखिल वाचा :
Train Journey : 21 दिवसांचा प्रवास, 19,000 किमी अंतर! जगातील सर्वात लांब रेल्वे प्रवास
Lung Health : काय सांगता! धूम्रपान न करणाऱ्यांचे फुफ्फुसही धोक्यात ? वाढतोय धोका
Dating : भारतामध्ये ‘एक्स्ट्रामॅरिटल’ डेटिंग अॅप्सचा ट्रेंड वाढतोय महिलांचा 148% वाढलेला सहभाग
याशिवाय, ऑनलाइन डिलिव्हरी प्लॅटफॉर्मचा वापर करून विक्री वाढवता येते. सोशल मीडियावर प्रमोशन केल्यास अधिक ग्राहकांपर्यंत पोहोचणे शक्य होते.
एकंदरीत, कमी गुंतवणुकीत सुरू होणारा आणि उन्हाळ्यात मोठी मागणी असलेला ज्यूस-शेक व्यवसाय हा चांगल्या उत्पन्नाचा स्रोत ठरू शकतो. योग्य नियोजन आणि मेहनतीच्या जोरावर तुम्ही या व्यवसायातून चांगली कमाई करू शकता.
Latest Marathi News | News in Marathi | Live news Updates in Marathi on Trending Topics
