Winter Trip : जाणून घ्या हिवाळी ट्रिपसाठी महाराष्ट्रातील बेस्ट ठिकाणे

बाहेर फिरण्यासाठी आणि नवनवीन फिरण्याची ठिकाणं एक्सप्लोर करण्यासाठी हिवाळा हा अतिशय उत्तम ऋतू आहे. त्यामुळे अनेक लोकं हिवाळा सुरु झाला की, फिरण्याचे प्लॅनिंग करायला सुरुवात करतात. आता सगळ्याच लोकांना महाराष्ट्राबाहेर किंवा भारताबाहेर फिरायला जाणे शक्य होते असे नाही. अशाच लोकांसाठी आज आम्ही महाराष्ट्रातील हिवाळ्यात फिरण्याची काही प्रसिद्ध आणि सुंदर ठिकाणं सांगणार आहोत. जे तुमच्या बजेटमध्ये तर असतील सोबतच जवळ देखील असतील. (Winter Trip)

पाचगणी
महाबळेश्वर पासून जवळच वीस किलोमीटर अंतरावर असलेले पाचगणी हे अतिशय शांत आणि मनमोहक असे हिल स्टेशन आहे. पाचगणी येथे थंड हवामान, घनदाट जंगले, आणि निसर्गरम्य वातावरण हे ठिकाण खास बनवतात. पाचगणी येथील मुख्य आकर्षण वाय टेबल, १२ डोळे आणि बाबा ब्राह्मण मंदिर हे आहेत. पाचगणी येथे तुम्ही पिकनिक आणि ट्रेकिंगचा अनुभव घेऊ शकता. (Marathi News)

माथेरान
मुंबईपासून अगदी हाकेच्या अंतरावर असलेल्या माथेरानचं निसर्ग सौंदर्य आणि येथील जंगल नेहमीच पर्यटकांना आकर्षित करते. महाराष्ट्रातील प्रसिद्ध थंड हवेच्या ठिकाणांमध्ये माथेरानचा समावेश होते. माथेरानमध्ये वाहनांना परवानगी नसलेल्या वाहनविरहित पर्यटन स्थळ म्हणून हे ठिकाण ओळखले जाते. इथली शांतता आणि विविध स्पॉट पाहून नक्कीच हिवाळ्याचा आनंद द्विगुणित होईल. (Todays Marathi Headline)

भीमाशंकर
भीमाशंकर मंदिर हे हिंदू धर्मातील बारा ज्योतिर्लिंगांपैकी एक मंदिर आहे. पुण्यापासून सुमारे १०० किलोमीटर अंतरावर भीमाशंकर आहे. भीमाशंकर हे धार्मिक आणि पर्यटन स्थळ आहे. भव्य जंगले आणि डोंगरांनी भीमाशंकरला वेढलेले आहे. हिवाळ्यात येथील तापमान इतर ठिकाणापेक्षा कमी असते. भीमाशंकरच्या जंगलामध्ये तुम्ही ट्रेकिंगचा अनुभव घेऊ शकतात जो खूप रोमांचक असतो. (Marathi News)

इगतपुरी
मुंबई नाशिक महामार्गावर असलेले इगतपुरी हे ठिकाण विकेंड ट्रीपसाठी अतिशय उत्तम आणि सोयीस्कर पर्याय आहे. या इगतपुरी तालुक्याला निसर्गाने सौंदर्याचे भरपूर वरदान दिले आहे. इथे भरपूर पाऊस पडतो. त्यामुळे थंडीच्या दिवसात इथे भरपूर हिरवळ आणि प्रचंड थंडी अनुभवायला मिळते. शिवाय जवळच भावली धरण, घाटनदेवी परिसर, दारणा, वैतरणा या धरणांचा परिसर, कावनई अशी अनेक ठिकाणं पाहता येतात. इगतपुरी जवळच भंडारदरा, कळसूबाई, अलंग, कुरूंगवाडी, त्र्यंबकेश्वर येथेही भेट देता येते. (Top Marathi Headline)

महाबळेश्वर
महाबळेश्वर हे महाराष्ट्रातील सर्वोत्तम आणि लोकप्रिय हिल स्टेशनपैकी एक आहे. हे सुंदर हिल स्टेशन समुद्रसपाटीपासून ४ हजार फुटांपेक्षा जास्त उंचीवर आणि सह्याद्रीच्या पर्वतरांगाच्या मध्यभागी वसलेले आहे. ढगांनी आच्छादलेले उंच पर्वत, घनदाट जंगले, गवताळ प्रदेश आणि तलाव आणि धबधबे महाबळेश्वरच्या सौंदर्यात भर घालतात. हिवाळ्यात अनेक लोक पिकनिक आणि ट्रेकिंगसाठी येतात. महाबळेश्वरमध्ये तुम्ही मॅप्रो गार्डन, वेण्णा लेक, महाबळेश्वर मंदिर आणि विल्सन पॉइंट सारखी अद्भुत ठिकाणे पाहू शकता. (Latest Marathi News)