आयसीसी टी-20 विश्वचषक २०२६ च्या अंतिम सामन्यात अहमदाबादच्या नरेंद्र मोदी स्टेडिअमवर टीम इंडियाने न्यूझीलंडचा ९६ धावांनी पराभव केला आहे. या विजयासह टीम इंडियाने टी20 वर्ल्ड कप २०२६ वर नाव कोरले आहे. टीम इंडियाने दिलेल्या २५५ धावांच्या लक्ष्याचा पाठलाग करताना न्यूझीलंडला फक्त १५९ धावांवर ऑल आऊट केल होते. भारताने हा फायनलचा सामना ९६ धावांनी जिंकला होता. कर्णधार सूर्यकुमार यादवच्या नेतृत्वाखाली टीम इंडियाने तिसऱ्यांदा टी-20 विश्वचषकावर नाव कोरले. विशेष म्हणजे भारताने सलग दुसऱ्यांदा ही ट्रॉफी जिंकत नवा विक्रम केला. मुख्य म्हणजे पहिल्यांदाच आपल्या घरच्या मैदानावर विश्वविजेतेपद टीम इंडियाने पटकावले आहे. (India)
हा विश्वविजय सगळ्यांसाठीच खूपच खास ठरला. कारण विश्वचषकामधे भारतीय संघाने अनेक विक्रम रचले आहेत. भारत तीन वेळा T20 World Cup २०२६ जिंकणारा जगातील पहिला संघ बनला. एखाद्या संघाने स्वतःच्या देशात टी-20 विश्वचषक जिंकण्याची ही पहिलीच वेळ होती. शिवाय, भारत सलग दुसऱ्यांदा ही वर्ल्डकप स्पर्धा जिंकणारा पहिला देशही बनला आहे. या भव्य विजयासह, भारताने पुन्हा एकदा जागतिक क्रिकेटमध्ये आपले वर्चस्व सिद्ध केले आहे. या विजयासोबतच भारतीय संघाने कोट्यवधी रुपयांची विक्रमी बक्षिसे देखील मिळवली आहेत. भारतीय संघावर बक्षिसांचा वर्षाव झाला आहे. (Marathi)
आयसीसीने या स्पर्धेसाठी १३.५ दशलक्ष डॉलर्सची विक्रमी बक्षीस रक्कम निश्चित केली आहे, जी मागील आवृत्तीच्या ११.२५ दशलक्ष डॉलर्सपेक्षा जास्त आहे. याचा अर्थ दोन वर्षांपूर्वी झालेल्या स्पर्धेच्या तुलनेत बक्षीस रकमेत जवळपास २० टक्के वाढ करण्यात आली आहे. बक्षीस रकमेत ही विक्रमी वाढ मुख्यत्वे भारत आणि श्रीलंकेतील मजबूत प्रायोजकत्व करार आणि वाढत्या प्रेक्षकांमुळे झाली आहे. टी20 वर्ल्ड कप २०२६ जिंकल्यानंतर भारतीय संघाला ३ दशलक्ष डॉलर्स म्हणजे अंदाजे २७.५० कोटी रुपयांची बक्षीस रक्कम मिळाली. ही रक्कम प्रथम भारतीय क्रिकेट नियामक मंडळाला दिली जाईल आणि नंतर बोनस, सामना शुल्क आणि इतर बक्षिसांच्या स्वरूपात खेळाडूंमध्ये ती वाटली जाईल. (Top Trending Headline)
उपविजेता म्हणून न्यूझीलंडला १.६ दशलक्ष म्हणजेच १४.६५ कोटी रुपये बक्षीस रक्कम देण्यात आली. आयसीसीने उपांत्य फेरी, सुपर ८ आणि गट टप्प्यात बाहेर पडलेल्या संघांवरही भरघोस पैसे खर्च केले. २०२६ च्या टी२० विश्वचषकात एकूण २० संघांनी भाग घेतला होता आणि सर्व संघांना १.२ अब्ज जवळपास १.२ अब्ज डॉलर्स मधून काही प्रमाणात बक्षीस रक्कम मिळाली. (Top Stories)
उपांत्य फेरीत पराभूत झालेल्या दोन संघांना, दक्षिण आफ्रिका राष्ट्रीय क्रिकेट संघ आणि इंग्लंड राष्ट्रीय क्रिकेट संघाला प्रत्येकी $७९०,००० मिळतील, जे अंदाजे ७.२४ कोटी रुपये आहेत. सुपर ८ टप्प्यात पोहोचलेल्या परंतु उपांत्य फेरीसाठी पात्र न ठरलेल्या संघांना प्रत्येकी $३८०,००० मिळतील, जे अंदाजे ३.४८ कोटी रुपये आहेत. यामध्ये पाकिस्तान, श्रीलंका आणि वेस्ट इंडिज सारख्या प्रमुख संघांचा समावेश आहे. त्याच वेळी, गट टप्प्यात सहभागी होणाऱ्या प्रत्येक संघाला $२५०,००० चे पेमेंट हमी दिले जाते, जे अंदाजे INR २.२९ कोटी इतके आहे. (Social News)
Latest Marathi News | News in Marathi | Live news Updates in Marathi on Trending Topics
