Kidney Health : आजच्या जीवनशैलीत अनेकजण पाणी पिण्याकडे दुर्लक्ष करतात, पण शरीराच्या योग्य कार्यासाठी आणि किडनीच्या आरोग्यासाठी पाणी अत्यंत महत्त्वाचे आहे. किडनी शरीरातील विषारी द्रव्ये बाहेर टाकण्याचे काम करते आणि यासाठी योग्य प्रमाणात पाणी आवश्यक असते. तज्ज्ञांच्या मते, पाणी कमी प्यायल्यास शरीरात टॉक्सिन्स साचू शकतात आणि किडनी स्टोन, रक्तदाब वाढणे यांसारख्या समस्या निर्माण होऊ शकतात. (Kidney Health)
तज्ज्ञ सांगतात की, सर्वसाधारणपणे एका निरोगी प्रौढ व्यक्तीने दररोज 1.5 ते 2 लिटर पाणी पिणे आवश्यक आहे. काही मार्गदर्शक तत्त्वांनुसार पुरुषांसाठी एकूण द्रवपदार्थांचे प्रमाण सुमारे 3.7 लिटर आणि महिलांसाठी 2.7 लिटर असावे, ज्यामध्ये अन्नातून मिळणारे पाणीही समाविष्ट असते. मात्र हे प्रमाण हवामान, व्यायाम, शरीराची गरज आणि आरोग्याच्या स्थितीनुसार बदलू शकते. विशेषतः उष्ण हवामानात किंवा जास्त शारीरिक श्रम केल्यास अधिक पाणी पिणे गरजेचे असते.
पाणी पिण्याची वेळही तितकीच महत्त्वाची आहे. सकाळी उठल्यानंतर एक ग्लास पाणी प्यायल्यास शरीर हायड्रेट होते आणि किडनीचे कार्य सुरळीत सुरू होते. दिवसातून वेळोवेळी थोडे-थोडे पाणी पिणे अधिक फायदेशीर मानले जाते. प्रत्येक जेवणासोबत पाणी पिणे आणि मधल्या वेळेत नियमित अंतराने पाणी घेतल्यास शरीरातील द्रव संतुलन राखले जाते. (Kidney Health) तज्ज्ञांच्या मते, एकाच वेळी जास्त पाणी पिण्यापेक्षा दिवसभरात हळूहळू पाणी पिणे अधिक चांगले असते.
तसेच रात्री झोपण्यापूर्वी जास्त पाणी पिणे टाळावे. झोपण्याच्या दोन तास आधी पाणी कमी करणे योग्य ठरते, कारण यामुळे रात्री वारंवार उठण्याची समस्या कमी होते. दिवसातील 60-70 टक्के पाणी दुपारपर्यंत पिण्याचा सल्ला दिला जातो, ज्यामुळे शरीर व्यवस्थित हायड्रेट राहते आणि किडनीवर ताण येत नाही.
=====================
हे देखिल वाचा :
भारतात किडनी ट्रांसप्लांटचे काय आहेत नियम?
किडनी स्टोन झाल्यास कधीच करु नका ‘या’ गोष्टींचे सेवन
Kidney Health : किडनीचे आरोग्य धोक्यात? या 5 अन्नपदार्थांपासून सावध व्हा
=======================
किडनी निरोगी ठेवण्यासाठी केवळ पाणी पिणे पुरेसे नसून योग्य सवयीही आवश्यक आहेत. लघवीचा रंग फिकट पिवळा असेल तर शरीरात पाण्याचे प्रमाण योग्य असल्याचे मानले जाते. तसेच साखरयुक्त पेय, सॉफ्ट ड्रिंक्स आणि अल्कोहोल कमी करणे गरजेचे आहे. एकूणच, योग्य प्रमाणात आणि योग्य वेळी पाणी पिण्याची सवय लावल्यास किडनीचे आरोग्य चांगले राहते आणि अनेक आजारांपासून बचाव होऊ शकतो. (Kidney Health)
Latest Marathi News | News in Marathi | Live news Updates in Marathi on Trending Topics
