प्रत्येक गृहिणीसाठी आवश्यक आहे ‘या’ योगासनांचा सराव, फिटनेससाठी आहेत अत्यंत उपयुक्त

उत्तम आरोग्यासाठी सर्व वयोगटातील लोकांसाठी योगासन फायदेशीर आहे. लहान मुलांपासून ते वृद्धांपर्यंत आणि पुरुषांपासून ते महिलांपर्यंत नियमित योगाभ्यास केला पाहिजे. मात्र, दैनंदिन कामामुळे बहुतांश महिलांना स्वत:साठी वेळ काढता येत नाही. त्यामुळे महिलांना लठ्ठपणा, रक्तदाब, शुगर, थायरॉईड, गुडघेदुखी अशा समस्या निर्माण होतात. अशा स्थितीत महिलांना भेडसावणाऱ्या या सर्व समस्यांवर योग हा उत्तम इलाज आहे. (Yoga for women)

शारीरिक समस्यांपासून दूर राहण्यासाठी आणि स्वत:ला निरोगी ठेवण्यासाठी, दिवसभरातील व्यस्त वेळेतून स्वत:साठी वेळ काढा आणि काही योगासने करा. आम्ही तुम्हाला अशाच काही योगासनांविषयी सांगणार आहोत, जे गृहिणींसाठी फायदेशीर आहेत. (Yoga for women)

धनुरासन 

धनुरासन महिलांच्या मासिक पाळीचे विकार दूर करण्यासाठी अत्यंत उपयुक्त आहे. या योग आसनामुळे स्नायूंवर ताण येतो, ज्यामुळे पोटाची चरबी कमी होते. धनुरासन करण्यासाठी पोटावर झोपा आणि गुडघे हाताच्या तळव्याने वर वाकवा. काही वेळ या स्थितीत रहा आणि नंतर सामान्य स्थितीत या. ही प्रक्रिया पुन्हा करा.

बालासन 

या योगासनामुळे शरीर लवचिक बनते. हे योगासन केल्याने मानसिक शांती मिळते आणि तणाव कमी होतो. बालासन करण्यासाठी वज्रासनाच्या स्थितीत जमिनीवर बसा आणि श्वास घेत दोन्ही हात थेट डोक्याच्या वर करा. आता श्वास सोडताना पुढे वाका. आपले तळवे आणि डोके जमिनीवर ठेवून दीर्घ श्वास आत घ्या आणि बाहेर सोडा. हातांची बोटे एकत्र ठेवून दोन्ही तळहातांच्या मध्यभागी डोके हळूवारपणे ठेवा. काही वेळाने जुन्या स्थितीत परत या. (Yoga for women)

सुखासन

सुखासन मानसिक आणि शारीरिक शांतीसाठी उपयुक्त आहे. योगासन सुरू करण्यापूर्वी हे आसन केले जाते. जेणेकरून श्वास घेण्याच्या प्रक्रियेवर नियंत्रण ठेवता येईल. आसन करण्यासाठी जमिनीवर जमिनीवर बसून दोन्ही डोळे बंद करून, तळवे गुडघ्यावर ठेवा. मग दीर्घ श्वास घ्या. ही प्रक्रिया पुन्हा करा.

मलासन 

या योग आसनाचा सराव केल्याने पाय आणि मांड्यांची हाडे मजबूत होतात. यासोबतच या आसनामुळे पाय किंवा मांड्यांमध्ये होणाऱ्या वेदनांमध्ये आराम मिळतो. मलासनाचा सराव करण्यासाठी चटईवर सरळ उभे रहा. आता गुडघे वाकून हात जोडून नमस्ते पोझमध्ये बसा. या दरम्यान गुडघ्यांमध्ये योग्य अंतर ठेवा.

=====

हे देखील वाचा – सकाळी नाश्त्यासाठी इडली ऐवजी खाऊन बघा ‘साबुदाण्याची इडली’!

=====

गृहिणींना वेळात वेळ काढून या आसनांचा सराव करावा. याचा तुमच्या आरोग्याला मोठ्या प्रमाणात फायदा होईल. तसेच अनेक शारीरिक, तसेच मानसिक तक्रारी दुर होतील.