देवघरात चुकूनही ठेऊ नका ‘या’ गोष्टी; जाणून घ्या घरातील मंदिराचे महत्वाचे नियम   

हिंदू परंपरेनुसार घराच्या आत मंदिर म्हणजेच देव्हारा असणे अत्यंत शुभ  मानले जाते .या मंदिरात भाविक आपल्या आराध्य देवतेच्या मूर्तीची प्रतिष्ठापना करतात आणि दररोज पूर्ण विधीने मोठ्या श्रद्धेने त्याची पूजा करतात. घरात बांधलेल्या मंदिराशी किंवा देव्हाराशी प्रत्येकाची श्रद्धा आणि भावना निगडित असतात. घरात देव्हारा असला तर घरात सकारात्मकता राहते. पण तुम्हाला माहीत आहे का की पूजा घरात अशा काही वस्तु आहेत त्या चुकुनही ठेऊ नयेत त्यामुळे तुमच्या कुटुंबातील सुख-शांती हिरावून जाईल. यामुळे घरात दारिद्र्य येईल आणि प्रगतीत अडथळा निर्माण होतो. त्यामुळे पूजाघराच्या स्थापत्यकलेची खूप काळजी घ्यावी.वास्तुशास्त्रात पूजाघराची दिशा, रंग इत्यादी व्यतिरिक्त पूजा घरात ठेवलेल्या देवी-देवतांच्या मूर्ती आणि फोटोंबाबत खुप महत्त्वाचे असे काही नियम आहेत, ज्यांचे पालन करणे आवश्यक आहे.आजच्या लेखात आपण घरातील  देव्हार्यात किंवा घरी बनवलेल्या मंदिरात काय ठेवू नये हे जाणून घ्या.(Vastu Tips for Puja Ghar) 

– घरातील मंदिरात किंवा पूजाघरात कधीही कोणत्याही रूद्र अवतारातील देवतेच्या मूर्ती किंवा छायाचित्रे ठेवू नका. असे केल्याने घरातील भांडणे, कलह वाढतात. घरात देवी-देवतांच्या कोमल रूपाला आशीर्वाद देणाऱ्या मूर्ती आणि फोटो नेहमी ठेवावीत.

– वास्तुशास्त्रानुसार घरात बांधलेल्या मंदिरात कोणत्याही देवतेची तुटलेली मूर्ती ठेवू नका. खंडित मूर्तीची पूजा अशुभ मानली जाते.

– घरात कोणत्याही देवतेच्या एकापेक्षा जास्त मूर्ती असू नयेत. त्याचबरोबर शिवलिंग चुकूनही घरात एकापेक्षा जास्त असू नये. असे केल्याने घरातील वातावरणही खराब होते आणि सुख-समृद्धीही हिरावून घेतली जाते.

– मंदिर किंवा पूजाघराच्या वर किंवा जवळ शौचालय असू नये.

– जर तुम्ही घरात मंदिर बांधणार असाल तर लक्षात ठेवा की पायऱ्यांखाली किंवा तळघरातही मंदिर बांधू नका.

– घरातील देवळात देवी-देवतांची मूर्ती किंवा फोटो कधीही समोरासमोर असेल तर ते अशुभ आहे. त्यामुळे घरात भांडणे होतात.- घराच्या आत बांधलेल्या मंदिरात मोठे शिवलिंग ठेवू नका, ते ठेवल्यास लक्षात घ्या की शिवलिंगाचा आकार अंगठ्याच्या आकारापेक्षा मोठा नसावा.

– पूजा घरातील स्वच्छतेची पूर्ण काळजी घ्यावी. मंदिरात किंवा घरात कोणत्याही प्रकारचा कचरा ठेवू नये. (Vastu Tips For Puja Ghar)

– घराच्या आत बांधलेले मंदिर पौराणिक आणि धार्मिक अशा दोन्ही बाजूंनी महत्त्वाचे मानले जाते. घराच्या आत बांधलेले मंदिर नेहमी घरात सकारात्मक ऊर्जेचे निवासस्थान राहते. यामुळे घरात धनलाभ होतो.
– वास्तूनुसार पूजाघर हे शांत ठिकाण असल्याने त्याचा रंगही शांत असावा. त्यामुळे पूजा घरात पांढरा, पिवळा, हलका निळा, केशरी असे रंग तुम्ही निवडू शकता.

– पूजेच्या खोलीत दिवे आणि मेणबत्त्या प्रज्वलित करणे महत्वाचे मानले जाते. वास्तूनुसार घरात अगरबत्ती आणि धूप जाळल्याने नकारात्मक ऊर्जा दूर होते. त्यामुळे नैऋत्येकडील मूर्तीसमोर दिवा लावा.

==========================================

हे देखील वाचा: तुम्हाला स्वप्नात मृत व्यक्ती सतत दिसते? तर मग जाणून घ्या याचा अर्थ

==========================================

– बेडरूममध्ये कधीही पूजेचे घर असू नये. जर दूसरा पर्याय नसेल असेल तर बेडरूमच्या ईशान्य दिशेला देव्हारा बनवा आणि मंदिराभोवती पडदे लावा. वास्तूनुसार पूजाघरात पांढऱ्या किंवा क्रीम रंगाचा वापर करावा.

– वास्तूनुसार घराचे मंदिर कधीही तळघरात बांधू नये. यामुळे उपासनेचे फळ मिळत नाही, असे मानले जाते. तळघरात अंधार असून अंधाऱ्या ठिकाणी कधीही प्रार्थनागृह बांधू नये. प्रार्थनास्थळ मोकळे, स्वच्छ आणि घरातील असावे.

(डिस्क्लेमर: वरील लेख केवळ माहितीच्या आधारावर लिहिला गेलेला आहे. ही माहिती पूर्णतः खरी असल्याचा आम्ही कोणताही दावा करत नाही.)