Startup Funding : केंद्र सरकारकडून 1 कोटींची फंडिंग भारतामध्ये स्टार्टअप संस्कृती झपाट्याने वाढत आहे आणि लाखो युवा स्वतःचा व्यवसाय सुरू करण्याचे स्वप्न पाहत आहेत. पण बहुतेक वेळा भांडवलीअभावी हे स्वप्न अपूर्ण राहते. हेच अंतर कमी करण्यासाठी केंद्र सरकार विविध योजनांद्वारे नव्या उद्योजकांना मोठ्या प्रमाणात आर्थिक मदत देत आहे. त्यापैकी एक महत्त्वाची योजना म्हणजे स्टार्टअप इंडिया सीड फंड स्कीम (SISFS), ज्यांतर्गत पात्र स्टार्टअप्सना 1 कोटी रुपयांपर्यंत फंडिंग मिळू शकते. (Startup Funding)
या योजनेचा उद्देश काय? स्टार्टअप इंडिया सीड फंड स्कीमचा मुख्य उद्देश म्हणजे देशातील नाविन्यपूर्ण, तंत्रज्ञानाधारित आणि उच्च क्षमता असलेल्या स्टार्टअप्सना प्रारंभीची आर्थिक मदत देणे. अनेक स्टार्टअप आयडिया चांगले असतात, पण निधीअभावी ते बाजारात उतरू शकत नाहीत. ही योजना या अंतरावर पूल बांधते प्रोटोटाइप तयार करणे प्रॉडक्ट ट्रायल्स मार्केट एंट्री बिझनेस स्केलिंग या महत्त्वाच्या टप्प्यांवर सरकार थेट फंडिंग देते. (Startup Funding)
यामुळे युवकांना स्वतःच्या कल्पना प्रत्यक्ष उत्पादनात बदलण्याची संधी मिळते. किती फंडिंग मिळू शकते आणि कसे? या योजनेअंतर्गत स्टार्टअप्सना दोन प्रकारे आर्थिक मदत दिली जाते 20 लाख रुपये पर्यंत – प्रोटोटाइप विकास, चाचण्या, मॉडेल टेस्टिंगसाठी नवीन कल्पना प्रॅक्टिकल आहे का, बाजारात उपयोगाची आहे का, यासाठी प्रोटोटाइप तयार करणं गरजेचं असतं. त्यासाठी प्रारंभी 20 लाखांपर्यंत मदत मिळते. 50 लाखांपासून 1 कोटी रुपये पर्यंत – मार्केट एंट्री आणि स्केलिंगसाठी प्रॉडक्ट तयार झाल्यावर त्याला बाजारात उतरवण्यासाठी मार्केटिंग, पायलट प्रोजेक्ट, टीम बिल्डिंग वगैरेसाठी मोठा खर्च येतो. या टप्प्यावर सरकार अतिरिक्त फंडिंग देते. यासाठी स्टार्टअप्सना मान्यताप्राप्त इनक्युबेटर कडे अर्ज करावा लागतो, जे पुढे योग्य कल्पनांची निवड करून फंड देतात. (Startup Funding)
या योजनेसाठी कोण अर्ज करू शकतात? हा निधी सर्वांनाच मिळत नाही. काही पात्रता निकष आहेत स्टार्टअप मोठ्या उद्योगांच्या श्रेणीत नसावा DPIIT कडून मान्यता असणे आवश्यक. कंपनी स्थापन झाल्यापासून 2 वर्षांपेक्षा कमी कालावधी असावा. आयडिया नाविन्यपूर्ण, तंत्रज्ञानावर आधारित किंवा नवीन सोल्यूशन देणारा असावा.
स्टार्टअपकडे स्वतःची कार्यक्षम टीम असणे गरजेचे. या निकषांमुळे या योजनेचा लाभ खऱ्या अर्थाने पात्र आणि गंभीर उद्योजकांनाच मिळतो.
कसा करायचा अर्ज? अर्ज प्रक्रिया पूर्णतः ऑनलाइन आहे आणि पारदर्शक ठेवण्यात आली आहे Startup India Portal वर नोंदणी
DPIIT मान्यता मिळवणे आपल्या क्षेत्राशी संबंधित इनक्युबेटर निवडणे व्यवसाय योजना, प्रेझेंटेशन आणि तांत्रिक तपशील अपलोड करणे
निवड झाल्यास मुलाखत आणि अंतिम मंजुरी यथावकाश पात्र स्टार्टअप्सना इनक्युबेटरमार्फत फंडिंग दिले जाते. (Startup Funding)
======================
हे देखिल वाचा :
Saikat Chakraborty : अमेरिकेत का आलाय चर्चेत सकैत चक्रवर्ती !
Antarctica : हवामान बदलाचा असाही परिणाम !
College Scholastic Ability Test : या परीक्षेसाठी १४० विमान उड्डाने रद्द करण्यात आली !
========================
शेवटी… ही संधी गमावू नका! भारत सरकारचे उद्दिष्ट म्हणजे नोकरी मागणाऱ्यांपेक्षा नोकरी निर्माण करणारे युवा तयार करणे 1 कोटींपर्यंत फंडिंगची सुविधा हा अनेक युवा उद्योजकांसाठी सुवर्णसंधी आहे. योग्य आयडिया, योग्य योजना आणि सरकारी मदत ही तिन्ही गोष्टी एकत्र आल्या तर तुमचा स्टार्टअप सहज यशस्वी होऊ शकतो. जर तुम्हीही स्टार्टअप सुरू करण्याचे स्वप्न पाहत असाल, तर ही योजना तुमच्यासाठी गेम-चेंजर ठरू शकते! (Startup Funding)
Latest Marathi News | News in Marathi | Live news Updates in Marathi on Trending Topics
