नासलेलं दुध फेकून नका देऊ, ‘या’ खाद्यपदार्थांमध्ये करू शकता प्रभावी वापर 

उन्हाळा येताच खाण्यापिण्याबाबत विशेष काळजी घ्यावी लागते. थोड्याशा निष्काळजीपणामुळे अनेक वेळा स्वयंपाकघरात ठेवलेले खाद्यपदार्थ खराब होतात. कधी कधी दुधासोबतही असे होते. दूध हा आपल्या आहाराचा मुख्य घटक आहे. (Spoiled milk Recipes)

पूर्वीच्या काळापासून भारतीय संस्कृतीत दुधाला महत्त्व दिले जाते. दूध आणि दुधाचे पदार्थ हे सर्व पूजा- नैवेद्य यामध्ये वापरले जातात. आहारशास्त्रात दूध आणि दुधाच्या पदार्थांना ‘संपूर्ण आहार’ असे म्हणतात. नवजात शिशू आपल्या आयुष्याचे पहिले सहा महिने फक्त दुधावरच अवलंबून असतो. 

दूध आणि दुधाचे पदार्थ शाकाहारी अन्नातील मुख्य घटक आहेत. पण जेव्हा आपण ते फ्रीजमध्ये ठेवायला किंवा वेळेवर उकळून घ्यायला विसरतो, तेव्हा ते दूध नासते. जे बहुतेकजण फेकून देतात. जर तुम्हीही नासलेलं दूध खराब म्हणून फेकून देत असाल, तर या टिप्स नक्कीच वाचा. 

नासलेलं दूध अनेक पदार्थांमध्ये वापरून, त्यांची लज्जत वाढवता येते. चला तर मग जाणून घेऊया नासलेल्या दुधाचा कशा प्रकारे उपयोग करायचा. (Spoiled milk Recipes)

पनीर बनवणे

उन्हाळ्यात दूध नासले, तर ते फेकून देऊ नका. त्यापेक्षा या दुधापासून पनीर बनवा. फक्त सुती कापडात नासलेलं दूध गुंडाळा आणि त्यावर जड वस्तू ठेवा. असे केल्याने दुधाचे पाणी निघून जाईल आणि तुमच्या पनीरला छान आकार मिळेल.

सूपमध्ये टाका

जर तुम्हाला सूप प्यायला आवडत असेल, तर नासलेलं दूध सूपमध्ये टाका. असे केल्याने सूपची चव वाढेल आणि ते शरीराला देखील फायदेशीर ठरेल. 

दही आणि ताक बनवणे

नासलेल्या दुधात थोडे दही घालून, दही देखील बनवू शकता. या दुधापासून बनवलेले दहीही खूप चवदार असते. हे दही तुम्ही भाज्यांच्या ग्रेव्हीमध्ये किंवा करीमध्ये वापरू शकता. यानंतर हेच दही फेटून ताक बनवा आणि हिंग जिऱ्याचा तडका लावून त्याला उन्हाळ्यात पिऊ शकता.

केकमध्ये टाका

नासलेलं दुध केकच्या पिठात घालून शिजवले तर ते खूप चविष्ट बनते. हे फुटलेले दूध केकमध्ये बेकिंग सोडा म्हणून काम करते आणि केक बिघडत नाही.

====

हे देखील वाचा – ‘या’ नैसर्गिक गोष्टीच्या साहाय्याने करा बद्धकोष्टता आणि अपचनावर मात!

====

स्मूदी बनवण्यासाठी वापरा

नासलेलं दुध तुम्ही स्मूदी बनवण्यासाठीही वापरू शकता. आइस्क्रीम ऐवजी, स्मूदीमध्ये फुटलेले दूध घाला. असे केल्याने स्मूदी आणखी मऊ आणि चवदार होईल.