Shravan 2025 : श्रावण महिना हा भगवान शंकराचा अत्यंत प्रिय महिना मानला जातो. यामध्ये स्त्रिया विशेषत: सौभाग्यवती आणि कुमारिका, पतीच्या दीर्घायुष्यासाठी आणि योग्य वरासाठी शंकराची भक्ती करतात. उपवास, रुद्राभिषेक, मंत्रजप, आणि विविध व्रतांच्या माध्यमातून स्त्रिया भगवान शंकराचे पूजन करतात. मात्र या काळात पूजेसाठी काही पारंपरिक नियम आणि शिस्तीचे पालन करणे आवश्यक मानले जाते.
प्रथम म्हणजे पवित्रता आणि स्वच्छता बाळगावी. शंकरपूजेसाठी शरीर आणि मनाची स्वच्छता अत्यंत महत्त्वाची आहे. महिलांनी पूजेपूर्वी स्नान करून स्वच्छ वस्त्र परिधान करावे. शक्यतो नवीन किंवा धुतलेले शुभ वस्त्र घालावे. काही भागांमध्ये पांढऱ्या किंवा पिवळ्या रंगाचे कपडे शंकरपूजेसाठी शुभ मानले जातात. पूजास्थान स्वच्छ ठेवून तिथे गंगाजळ किंवा तुळशीच्या पाण्याने शुद्धीकरण करावे.
पूजेची वेळ आणि उपवासाचे नियमही पाळली जातात. श्रावण सोमवारी उपवास करणाऱ्या महिलांनी सकाळी शंकराची पूजा करून दिवसभर फळाहार आहार घ्यावा. पूजा करताना बिल्वपत्र, जल, दुध, मध, धोंड, गंध, अक्षता, आणि दुर्वा इत्यादी समर्पण केल्या जातात. महिलांनी मंत्रोच्चार करताना शांतचित्त असावे, आणि “ॐ नमः शिवाय” चा जप विशेष प्रभावी मानला जातो. काही घरांमध्ये महिला अभिषेक करत नाहीत, फक्त शिवलिंगावर जल व बिल्वपत्र अर्पण करतात, ही परंपरा भागाप्रमाणे बदलू शकते.
===========
हे ही वाचा :
Ganesh Temple : तीन सोंड असलेल्या गणेशाचे ऐतिहासिक ‘त्रिशुंड गणपती मंदिर’
Amarnath Yatra : अमरनाथ गुहेचे आश्चर्यचकित करणारे रहस्य
===========
मासिक पाळीच्या काळात पूजेमध्ये सहभाग घेऊ नये, असा पारंपरिक नियम काही घरांमध्ये अजूनही पाळला जातो. अशा वेळी केवळ मानसिक प्रार्थना किंवा स्तोत्रपठण करण्याची परवानगी दिली जाते. त्याशिवाय, श्रावण महिन्यात रात्र जागरण, भजन, कीर्तन यात महिलांनी सामील होण्यास काही अडथळा नसतो, पण त्यात संयम, साधेपणा, आणि नम्रता ठेवणे आवश्यक मानले जाते. (Shravan 2025)
श्रावणात शंकरपूजा करताना सदाचार, संयम, आणि श्रद्धा हेच खरे नियम आहेत. शंकर हा अत्यंत उदार आणि भक्तवत्सल देव मानला जातो. त्यामुळे बाह्य नियमांपेक्षा मनाची भक्ती आणि पावित्र्य अधिक महत्त्वाचे ठरते. आजकाल अनेक स्त्रिया शिक्षण, नोकरी, आणि घरगुती जबाबदाऱ्यांमध्ये गुंतलेल्या असल्यामुळे, शक्य तेवढी शुद्धता आणि भक्तीभाव ठेवून पूजेमध्ये सहभागी होणे हे अधिक आवश्यक ठरते. श्रद्धा आणि समर्पणाने केलेली पूजा हीच भगवान शंकराला अधिक प्रिय असते.
Latest Marathi News | News in Marathi | Live news Updates in Marathi on Trending Topics
