आयुष्यात प्रेम आणि एखाद्याची साथ ही फार महत्त्वाची असते. प्रेमाचे नाते टीकवणे फार कठीण असते. कितीही प्रयत्न केला तरीही त्यात वाद होऊ लागले तर असे नाते मोडले जाते. कधीकधी प्रेमाचे नाते न टिकण्यामागे नशीबाला दोष दिला जातो आणि एकट्याने आयुष्य जगावे लागते. अभिनेत्री रेखा हिचे आयुष्य पाहिले तर तिच्या आयुष्यात ही असेच काहीसे झाले आहे. अभिनेत्रीला आयुष्यात प्रेम झाले. लग्न सुद्धा केले, पण आज ती एकट्यात आयुष्य जगतेय. (Rekha love life)
हिंदी सिनेमात रेखाचे चाहते अनेक होते. काही कलाकारांसोबत ही रेखाचे नाव जोडले गेले आणि काही नात्यात ती गंभीर सुद्धा होती. जीतेंद्र ते संजय दत्त सोबतच्या रिलेशनशिपच्या तिच्याबद्दलच्या चर्चा झाल्या. मात्र तिला घर मोडणारी असा टॅग ही काहींनी लावला होता.
करियरच्या सुरुवातीला रेखाचे नाव जीतेंद्र यांच्यासोबत जोडले गेले होते. तेव्हा जीतेंद्र यांचे लग्न शोभा कपूर यांच्यासोबत झाले होते. रेखामुळे त्यांना आपले विवाहाचे नाते मोडायचे नव्हते.मात्र काही काळात दोघेही एकमेकांपासून विभक्त झाले. त्यानंतर दोघांच्या डेटिंग बद्दलच्या बातम्या येणे बंद झाले.
या व्यतिरिक्त रेखाचे नाव अभिनेता किरण कुमार सोबत ही लावले गेले. रिपोर्ट्सनुसार सिनेमाच्या शुटिंग दरम्यान त्यांच्यामध्ये रिलेशनशिप सुरु झाले होते. मात्र सिनेमाचे शूटिंग जसे पूर्ण झाले तसे यांच्यामधील प्रेम ही कमी झाले. दोघांचे नाते जेवढे लवकर जोडले गेले तेवढेच लगेच मोडले ही गेले.
तर रेखाचे नाव सर्वाधिक जोडले गेले ते म्हणजे विनोद मेहरा. काही लोक असा दावा करतात की, रेखा आणि विनोद मेहरा यांनी गुपचुप लग्न सुद्धा केले होते. मात्र जेव्हा ती विनोद यांच्या घरी गेली तेव्हा अभिनेत्याच्या आईने तिला घरातून हकलावले होते. यानंतर दोघे वेगळे झाले. दोन महिन्यापर्यंत विनोद मेहरा यांची वाट पाहिली. पण विनोद यांना आपल्या आईला या नात्यासाठी राजी करण्यात यश आले नाही तेव्हा दोघांनी वेगळे होण्याचा निर्णय घेतला. (Rekha love life)
त्याचसोबत रेखाच्या प्रेमाचे आजची किस्से बोलले जातात, त्यापैकी अमिताभ बच्चन यांच्या सोबतचा किस्सा आवर्जुन सांगितला जातो. सिनेमा गंगा की सौगंधच्या सेटवर यांच्या प्रेमाचा खुलासा झाला होता आणि त्यांचे नाते फार काळ लपले गेले नाही. मात्र त्यावेळी अमिताभ बच्चन हे विवाहबंधनात आधीच अडकले गेले होते. त्यांना दोन मुलं सुद्धा होती. अशातच स्थितीत ते परिवाराला बाजूला ठेवू शकत नव्हते. त्यामुळे यांच्या दोघांचे नाते मोडले गेले.
रेखाचे नाव ८० च्या दशकात अभिनेता संजय दत्त सोबत ही जोडले गेले होते. दोघांनी जमीन आसमान नावाच्या एका सिनेमात एकत्रित काम केले होते आणि त्यानंतर या दोघांच्या रिलेशनशिपच्या चर्चा रंगल्या होत्या. नाते जोडण्याआधीच मोडले गेले. अशा गोष्टी आयुष्यात घडत असतानाच १९९० मध्ये रेखाने लग्न करण्याचा निर्णय घेतला. मात्र एखाद्या अभिनेत्यासोबत नव्हे तर आपला डाय हार्ट फॅन आणि व्यावसायिक मुकेश अग्रवाल यांच्याशी लग्न करण्याचा विचार केला होता. मुकेश यांचे सुद्धा रेखावर फार प्रेम होते. ते वारंवार दिल्लीतून मुंबईत रेखाला भेटण्यासाठी सेटवर यायचे. अखेर रेखाने त्यांना लग्नासाठी होकार दिला होता. पण या दोघांचे प्रेम दीर्घकाळ टिकले नाही. लग्नाला एक वर्ष सुद्धा झाले नाही आणि मुकेश अग्रवाल यांनी आत्महत्या केली होती.
Leave a comment