Post Office : आजच्या महागाईच्या काळात प्रत्येकजण अशी इनकम शोधत असतो जी कमी रिस्कमध्ये आणि ठराविक कालावधीपर्यंत मिळेल. बाजारातील चढ-उतारांनी त्रस्त झालेल्या गुंतवणूकदारांसाठी पोस्ट ऑफिसच्या योजना नेहमीच सुरक्षित पर्याय मानला जातो .अशाच योजनांपैकी एक योजना म्हणजे पोस्ट ऑफिस मासिक उत्पन्न योजना (POMIS). या योजनेत तुम्ही एकदाच रक्कम गुंतवा आणि दर महिन्याला नियमित उत्पन्न मिळवा! त्यामुळे निवृत्तीधारक, गृहिणी किंवा स्थिर इनकम शोधणाऱ्यांसाठी ही योजना मोठा दिलासा देणारी आहे. (Post Office)
काय आहे पोस्ट ऑफिस मासिक उत्पन्न योजना? ही एक सरकारी हमी असलेली Fixed Income Scheme आहे. यात गुंतवणूकदार एकदाच ठराविक रक्कम गुंतवतात आणि प्रत्येक महिन्याला त्यावर व्याजाच्या स्वरूपात पैसे मिळतात. बचत खात्यासारखं पैसे काढण्याचं स्वातंत्र्य नसतं, पण व्याज मात्र तुम्हाला महिन्याच्या पगारासारखं खात्यात जमा होत राहतं. विशेष म्हणजे, ही स्कीम सरकारद्वारे चालवली जात असल्यामुळे भांडवल सुरक्षित राहते. (Post Office)
या योजनेचे प्रमुख फायदे
Guaranteed Monthly Income– बाजारातील चढ-उतारांचा परिणाम नाही
Low Risk Investment – सरकारी योजना असल्याने पूर्ण सुरक्षित
सहज प्रक्रिया – पोस्ट ऑफिसमध्ये सोप्या कागदपत्रांसह खाते
निवृत्त लोकांसाठी उत्कृष्ट– नियमित खर्चासाठी योग्य पर्याय
सध्याच्या व्याजदरानुसार गुंतवणुकीवर आकर्षक परतावा मिळतो. गुंतवणुकीची 5 वर्षांनी परतफेड होते किंवा गुंतवणूकदाराला हवे असल्यास पुन्हा त्यात विस्तार करता येतो. किती गुंतवणुकीवर किती मिळेल उत्पन्न? वैयक्तिक खात्यासाठी जास्तीत जास्त गुंतवणूक मर्यादा 9 लाख रुपये जॉइंट अकाऊंट (2 किंवा 3 जण) 15 लाख रुपये उदाहरणार्थ, जर एखाद्याने 9 लाख रुपयांची गुंतवणूक केली तर सध्याच्या व्याजदरानुसार त्याला दर महिन्याला 7,000 ते 9,000 रुपये नियमित मिळू शकतात. त्यामुळे घरखर्च, औषधोपचार किंवा दैनंदिन गरजा सहज भागू शकतात. (Post Office)
कोण गुंतवणूक करू शकतो?
भारतीय नागरिक
वय किमान 10 वर्षे (मायनरच्या नावाने पालक खाते उघडू शकतात)
निवृत्त व्यक्ती, महिलांपासून बेरोजगारांपर्यंत सर्वांसाठी योग्य
=====================
हे देखील वाचा :
Health-Effects : दिवसभर व्हिडिओ पाहण्याची सवय? आरोग्यासाठी ‘या’ गोष्टी जाणणे आहे खूप महत्त्वाचे!
Loan Guarantor : लोन गॅरंटर होण्यापूर्वी जाणून घ्या हे ५ मोठे धोके; नाहीतर होईल आयुष्यभर पश्चात्ताप!
====================
कर लाभ मिळतो का? POMIS मध्ये गुंतवणुकीवर कर लाभ मिळत नाही, मात्र ही एक सुरक्षित आणि स्थिर उत्पन्नाची साधन आहे. त्याचबरोबर, मिळणारं व्याज करपात्र असतं, त्यामुळे करविषयक नियोजनसुद्धा महत्त्वाचं आहे. ज्यांना सुरक्षित गुंतवणूक + दर महिन्याची खात्रीची इनकम हवी आहे, त्यांच्यासाठी पोस्ट ऑफिस मासिक उत्पन्न योजना म्हणजे उत्तम पर्याय! एकदा गुंतवणूक आणि पाच वर्षे निर्धास्त आराम. विशेषतः ज्येष्ठ नागरिक आणि गृहिणींसाठी ही योजना आशेचा किरण ठरू शकते. जर तुम्हीही स्थिर आर्थिक भविष्य शोधत असाल, तर जवळच्या पोस्ट ऑफिसमध्ये चौकशी करून ही योजना लगेच सुरू करू शकता! आर्थिक सुरक्षिततेसाठी हा एक शहाणपणाचा निर्णय ठरेल.
Latest Marathi News | News in Marathi | Live news Updates in Marathi on Trending Topics
