वजन कमी करण्यासाठी वर्कआउटसोबत योग्य डाएट करणे देखील महत्त्वाचे असते. यासाठी वेगवेगळे डाएट फॉलो केले जातात. वजन कमी करण्यासाठी इंटरमिटेंट फास्टिंगचा सध्या ट्रेण्ड आहे. डाएटच्या या फॉर्मेटमध्ये 24 तासांपैकी आठ तास खायचे आणि उर्वरित 16 तास उपवास करायचा असतो. या दरम्यान द्रव पदार्थ जसे की, पाणी, लिंबू पाणी, नारळाचे पाणी याचे सेवन केले जाते. इंटरमिटेंट फास्टिंग वजन कमी करण्यासाठी फायदेशीर मानले जाते. याचे काही फायदे आहेतच पण काही तोटे देखीलही आहेत. (Intermittent Fasting)
इंटरमिटेंट फास्टिंग करण्यासाठी योग्य प्रकारे फूड प्लॅनिंग करणे अत्यंत गरजेचे असते. यासोबत टाइम मॅनेजमेंटही फार महत्त्वाचे असते. कारण यामध्ये एका ठराविक वेळेतच खाल्ले जाते. सुरुवातीच्या खाण्याच्यापिण्याची वेळ अधिक ठेवला तरी जातो. उपवासासाठीचा वेळ कमी ठेवला जाऊ शकतो. लोक 12 ते 16 तासांपर्यंत उपवास करतात. इंटरमिटेंट फास्टिंग दरम्यान काही खास गोष्टींची काळजी न घेतल्यास आरोग्याला नुकसान पोहोचले जाऊ शकते.
फायदे काय आहेत?
वजन कमी करण्यास अत्यंत फायदेशीर मानले जाते. याशिवाय चयापचयाची क्रिया बूस्ट होण्यासह कोलेस्ट्रॉल मॅनेजमेंट आणि ट्राइग्लिसराइडला मेंटेन करण्यास मदत मिळते.
नुकसान काय?
ज्यावेळेस तुम्ही इंटरमिटेंट फास्टिंग करता त्यादरम्यान फार कमी कॅलरीज्स घेतल्या जातात आणि दीर्घकाळ पोट उपाशी राहते. याच कारणास्तव डाएट फॉर्मेटला दीर्घकाळापर्यंत एखाद्यासाठी फॉलो करणे मुश्किल होऊ शकते. जेव्हा उपवास करणे बंद करता त्यावेळी वजन पुन्हा वाढण्याची शक्यता वाढली जाते.
पचनासंबंधित समस्या
इंटरमिटेंट फास्टिंगमध्ये दीर्घकाळ उपाशी राहिल्याने हाइपरटेंशनची समस्या होऊ शकते. काही लोक दीर्घकाळ फास्टिंगनंतर अधिक खातात. या डाएटमध्ये लोक दिवसा उपवास करतात आणि रात्री खातात. यामुळे पचनक्रियेवर परिणाम होतो. याच कारणास्तव पचनासंबंधित समस्या उद्भवू शकतात.
पोषण तत्त्वांची कमतरता
इंटरमिटेंट फास्टिंग करत असाल तर डाएट प्लॅन एक्सपर्ट्सकडून तयार करून घ्यावा. काही लोकांना या फास्टिंगबद्दल माहिती नसते आणि उपवास करतात. याचा परिणाम आरोग्यावर होतो. याशिवाय शरीरात पोषण तत्त्वांची कमतरताही निर्माण होऊ शकते. दीर्घकाळ उपवास करण्याऐवजी बॅलेन्स डाएट निवडावे. यामध्ये कॅलरीज् कमी असतील आणि पोषण तत्त्वयुक्त फूड्सचा समावेश असेल. (Intermittent Fasting)
मधुमेहच्या रूग्णांसाठी धोकादायक
ज्या लोकांना टाइप 1 आणि टाइप 2 मधुमेह असतो त्यांनी दीर्घकाळ पोट उपाशी ठेवू नये. मधुमेहाच्या रूग्णांनी इंटरमिटेंट फास्टिंग न करण्याचा सल्ला डॉक्टरांकडून दिला जातो.
आणखी वाचा : उकडलेले बटाटे तुम्ही फ्रिजमध्ये ठेवता? जाणून घ्या ही बाब
