Foot Care in Summer : पायांना भेगा पडण्याची सर्वाधिक समस्या हिवाळ्यात निर्माण होते. पण काही महिलांना उन्हाळ्यात देखील पायांना भेगा पडण्याच्या समस्येचा सामना करावा लागतो. यामुळे पायांचे सौंदर्य दूर होते. खरंतर, पायांना भेगा पडण्यामागे काही कारणे असू शकतात. जसे की, माती-धूळीच्या संपर्कात येणे, अनवाणी चालणे किंवा पोषण तत्त्वांची कमतरता. अशातच उन्हाळ्यात पायांना भेगा पडत असल्यास कोणते घरगुती उपाय करावेत याबद्दल जाणून घेऊया सविस्तर..
केळ्याचा मास्क
सर्वप्रथम एक पिकलेले केळ घेऊन ते स्मॅश करून घ्या. यामध्ये एक चमचा मध आणि कॉफी पावडर मिक्स करा. ही पेस्ट पायांना भेगा पडल्या आहेत तेथे लावा. 25-30 मिनिटे पेस्ट पायांना लावून ठेवल्यानंतर स्वच्छ पाण्याने धुवा. आठवड्यातून कमीत कमी तीन वेळेस केळ्याचा मास्क पायांना भेगा पडल्या आहेत तेथे लावल्यानंतर ही समस्या कमी झाल्याचे दिसून येईल.
स्टेप बाय स्टेप फॉलो करा या टिप्स
पायांना भेगा पडल्याच्या समस्येपासून दूर राहण्यासाठी कोमट पाण्यात ग्लिसरिन, लिंबूचा रस आणि गुलाब पाणी टाका. या पाण्यात 20-30 मिनिटे पाय बुडवून ठेवा. यानंतर स्क्रबरच्या माध्यमातून पायांवर जमा झालेली डेड स्किन स्वच्छ करा. आता पायांना पुसून घेतल्यानंतर मॉइश्चराइजर लावा. ही प्रक्रिया आठवड्यातून दोन वेळेस करा. (Foot Care in Summer)
एलोवेरा आणि ग्लिसरिनचा वापर
पायांना भेगा पडल्या असल्यास एलोवेरा जेलमध्ये ग्लिसरिन आणि नारळाचे तेल मिक्स करुन लावा. रात्रभर पेस्ट पायांना लावून ठेवा. दररोज पेस्ट पायांना लावून ठेवल्यानंतर काही दिवसातच पायांच्या भेगा कमी झालेल्या दिसतील.
