Children Born in Jail : भारतातील लोकसंख्या झपाट्याने वाढत चालली आहे. भारताची गणना जगातील सर्वाधिक लोकसंख्या असलेलया देशांमध्ये केली जात आहे. वाढत्या लोकसंख्येसह गुन्हेगारीच्या घटनाही वाढत चालल्या आहेत. पोलीस प्रशासनाच्या कारवाईनंतर कोर्टापर्यंत काही प्रकरणे जातात. यामधील दोषींचा शिक्षा सुनावली जाते. याच दोषींमध्ये भारतात मोठ्या संख्येने महिला कैदीही आहेत. पण असा प्रश्न निर्माण होतो की, गर्भवती महिला कैदीने बाळाला जन्म दिल्यास त्याच्या जन्मदाखल्यावर पत्ता नक्की कुठचा लिहिला जातो? याबद्दलच जाणून घेऊया सविस्तर….
भारतात मोठ्या संख्येने महिला कैदी
भारतातील तुरूंगात मोठ्या संख्येने महिला कैदीही आहेत. यापैकी काही महिलांना शिक्षा सुनावण्यात आली आहे. तर काही महिला कैदींना शिक्षा होणे शिल्लक असून कोर्टात प्रकरण सुरू आहे. याशिवाय अशाही काही महिला कैदी आहेत ज्या गर्भवती आहेत.
महिला गर्भवती कैदीला बाळाला जन्म द्यायचा असल्यास तिला डिलिवरीसाठी जिल्हा रुग्णालयात नेले जाते. येथे बाळाच्या जन्मानंतर त्याचे जन्म ठिकाण म्हणून जिल्हा रुग्णालय असे जन्मदाखवल्यावर लिहिले जाते. यावेळी कोणतेही कागदपत्र अथवा सर्टिफिकेटवर तुरूंगाचा उल्लेख केला जात नाही. सर्वाधिक महत्त्वाची गोष्ट अशी की, याबद्दल कोणालाही अधिक कळू नये याची काळजी तुरूंगाच्या अधिकाऱ्यांकडून घेतली जाते. (Children Born in Jail)
तुरूंगातील डेटा
एनसीारबीच्या डिसेंबर 2023 मध्ये आलेल्या एका रिपोर्ट्सनुसार, भारतात एकूण 1330 तुरूंगात एकूण 5,73,220 कैदी आहेत. त्यापैकी 23,772 महिला कैदी आहेत. यामधीलच 1537 महिला कैदी अशा आहेत ज्यांची मुलं त्यांच्यासोबत तुरूंगात राहतात.
