Beauty Tips : सध्याच्या धावपळीच्या आयुष्यात महिलांमध्ये अँटी-एजिंगची समस्या उद्भवल्याचे दिसून येते. यासाठी वेगवेगळ्या ब्युटी ट्रिटमेंट्स केल्या जातात. तत्काळ अँटी-एजिंगच्या समस्येपासून सुटका होते. पण पुन्हा कालांतराने ही समस्या चेहऱ्यावर दिसून येते. अशातच पुढील काही घरगुती उपायांनी तुम्ही चेहऱ्यावरील सुरकुत्यांची समस्या कमी करू शकता.
एलोवेरा जेल
एलोवेरा जेलमध्ये अँटीसेप्टिक, अँटी-बॅक्टेरियल, अँटी-इंफ्लेमेंटरीसारखे काही गुणधर्म असतात. हे गुणधर्म त्वचेसाठी फायदेशीर असल्याचे मानले जाते. एलोवेरा जेलचा वापर केल्याने त्वचेवरील सुरकुत्यांची समस्या कमी होऊ शकते. याशिवाय चेहऱ्यावर ग्लो देखील येतो. यासाठी एलोवेरा जेल घेऊन ते चेहऱ्यावर लावा. चेहऱ्याला मसाज करा. हा उपाय आठवड्यातून तीन वेळा करू शकता.
अंड
अंड्याच्या मदतीने तुम्ही चेहऱ्यावरील सुरकुत्यांची समस्या कमी करू शकता. अंड्यामध्ये काही व्हिटॅमिन्स असतात. यामध्ये प्रोटीन देखील असते. याच्या मदतीने सुरकुत्या कमी होण्यासह चेहऱ्यावर ग्लो देखील येतो. यासाठी अंड्याचा सफेद भाग घेऊन तो व्यवस्थितीत फेटून घ्या. हे मिश्रण चेहऱ्याला लावून ठेवा आणि सुकल्यानंतर चेहरा स्वच्छ धुवा. यानंतर चेहऱ्यावर मॉइश्चराइजर लावा.
तेलाचा वापर
ज्या प्रकारे केसांचे मसाज करता त्यानुसार तेलाने चेहऱ्याचाही मसाज करू शकता. तेलाने चेहरा मसाज केल्याने ब्लड सर्कुलेशन वेगाने होते. याशिवाय कोलेजन उत्पादन वाढले जाते. यासाठी बदामाचे तेल, नारळाचे तेल किंवा ऑर्गन ऑइलचा वापर करू शकता. अथवा एसेंशिअल ऑइलाचाही वापर करू शकता. पण यामध्ये नारळाचे तेल जरुर मिक्स करा. अन्यथा त्वचेवर खाज आणि जळजळ होण्याची समस्या होऊ शकते.
केळ्याचा मास्क
केळ्यामुळे चेहरा हाइड्रेट राहण्यास मदत होते. केळ्यामध्ये नैसर्गिक तेल आणि व्हिटॅमिन्स असतात, जे त्वचेला हेल्दी होण्यास मदत होते. यासाठी एक केळ स्मॅश करुन घ्या आणि चेहऱ्यावर मसाज करा. अर्धा तास चेहऱ्याला पॅक लावून ठेवल्यानंतर धुवा. यामुळे त्वचा ग्लो होण्यासह सुरकुत्यांची समस्या कमी होईल. (Beauty Tips)
पुरेशा प्रमाणात पाणी प्या
चेहऱ्यावर वेगवेगळ्या प्रकारचे फेस मास्क लावल्याने सुरकुत्यांची समस्या कमी होत नाही. यासाठी उत्तम डाएटचे सेवन करणे अत्यावश्यक आहे. चेहऱ्यावरील सुरकुत्यांची समस्या कमी करायची असल्यास पुरेशा प्रमाणात पाणी प्या. यामुळे शरिर हाइड्रेट राहण्यासह सुरकुत्यांची समस्याही कमी होईल.
