पेट्रोल आणि डिझेलच्या दरात पुन्हा वाढ, सोळा दिवसांतील चौदावी दरवाढ

तेल कंपन्यांनी आज पुन्हा पेट्रोल आणि डिझेलच्या दरात वाढ केली आहे. पेट्रोलच्या दरात ७४ ते ८४ पैशांनी वाढ झाली आहे, तर डिझेलच्या दरातही ७५ ते ८५ पैशांनी वाढ झाली आहे. मुंबईत पेट्रोलचा दर १२०.५१ रुपये आणि डिझेलचा दर १०४.७७ रुपये प्रतिलिटर आहे. दिल्लीत एक लिटर पेट्रोल १०५.४१ रुपये प्रति लिटर तर डिझेल ९६.६७ रुपये प्रतिलिटर मिळत आहे.

कोलकात्यात पेट्रोलची किंमत ११५.१२ रुपये आहे, तर डिझेलची किंमत ९९.८३ रुपये प्रति लीटर आहे. त्याच वेळी, चेन्नईमध्येही पेट्रोल ११०.८५ रुपये प्रति लिटर आणि डिझेल १००.९४ रुपये प्रति लिटर आहे. गेल्या वर्षी ४ नोव्हेंबरपासून या दोन्ही इंधनांच्या किमतीत कोणतीही वाढ झालेली नव्हती.

पण चार महिन्यांपेक्षा अधिक काळानंतर २२ मार्च रोजी पहिल्यांदा पेट्रोल-डिझेलच्या दरांत वाढ करण्यात आली होती. त्यानंतर केवळ १६ दिवसांमध्येच इंधनाचे दर गगनाला भिडले आहेत.

====

हे देखील वाचा: काँग्रेसचे अनेक आमदार नाराज, सोनिया गांधींना भेटण्यासाठी मागितली वेळ

====

पाच राज्यांतील निवडणुकांमुळे मोदी सरकारने तेल कंपन्यांना किमती वाढवण्यापासून रोखल्याचा आरोप सरकारच्या राजकीय विरोधकांनी केला.

आंतरराष्ट्रीय बाजारात कच्च्या तेलाचे दर प्रति बॅरल ११२ डॉलरवर पोहोचल्यानंतर तेल कंपन्यांनी रविवारी डिझेलच्या मोठ्या खरेदीदारांसाठी प्रति लिटर २५ रुपयांनी वाढ केली. हळूहळू किरकोळ दरात वाढ केली जाईल, असे तेल विक्रेत्यांचे म्हणणे आहे.

या राज्यांमध्ये पेट्रोलचा दर १०० रुपयांच्या पुढे गेला आहे

मध्य प्रदेश, राजस्थान, महाराष्ट्र, आंध्र प्रदेश, तेलंगणा, कर्नाटक, ओडिशा, जम्मू-काश्मीर आणि लडाखमध्ये पेट्रोलची किंमत १०० रुपये आहे. मुंबईत पेट्रोलचे दर सर्वाधिक आहेत.

तुमच्या शहरात किती किंमत आहे ते जाणून घ्या

पेट्रोल आणि डिझेलची किंमत एसएमएसद्वारेही कळू शकते. इंडियन ऑइलच्या वेबसाइटवर जाऊन तुम्हाला RSP आणि तुमचा शहर कोड लिहावा लागेल आणि तो ९२२४९९२२४९ या क्रमांकावर पाठवावा लागेल. प्रत्येक शहराचा कोड वेगळा आहे, जो तुम्हाला IOCL वेबसाइटवरून मिळेल. 

====

हे देखील वाचा: इस्रो लवकरच चांद्रयान-३ करणार लाँच, इस्रोचे माजी अध्यक्ष डॉ. के. सिवन यांची माहिती

====

आम्ही तुम्हाला सांगतो की पेट्रोल आणि डिझेलचे दर दररोज सकाळी ६ वाजता बदलतात. नवे दर सकाळी ६ वाजल्यापासून लागू होणार आहेत. पेट्रोल आणि डिझेलच्या किमतीत उत्पादन शुल्क, डीलर कमिशन आणि इतर गोष्टी जोडल्यानंतर त्याची किंमत जवळपास दुप्पट होते.