Chhath Puja 2025 : भारतामध्ये छठपूजा हा सूर्यदेव आणि छठी मातेच्या उपासनेचा अत्यंत पवित्र सण मानला जातो. बिहार, झारखंड, उत्तर प्रदेश आणि काही महाराष्ट्रातील भागांमध्येही हा उत्सव मोठ्या श्रद्धेनं साजरा केला जातो. या दिवशी विवाहित महिला कठोर व्रत पाळतात, उपवास करतात आणि सूर्यदेवाला अर्घ्य देतात. पण छठपूजेदरम्यान एक खास गोष्ट नेहमी पाहायला मिळते महिलांच्या कपाळावरून नाकापर्यंत लांब सिंदूर रेषा. हे दृश्य केवळ आकर्षकच नाही तर त्यामागे खोल धार्मिक अर्थ दडलेला आहे. (Chhath Puja 2025 )
छठपूजा म्हणजे काय?
छठपूजा हा सण सूर्यदेव आणि त्यांची बहीण उषा देवी (छठी माते) यांना अर्पण केला जातो. हा सण कार्तिक महिन्याच्या शुक्ल पक्षातील षष्ठी तिथीला, म्हणजेच दिवाळीनंतर सहाव्या दिवशी साजरा केला जातो. चार दिवस चालणाऱ्या या उत्सवात महिलांचा उपवास, स्वच्छता, पवित्रता आणि श्रद्धा विशेष महत्त्वाची असते. असा विश्वास आहे की छठी मातेच्या कृपेने कुटुंबात सुख-समृद्धी आणि संतानसौभाग्य प्राप्त होतं. (Chhath Puja 2025 )
नाकापर्यंत सिंदूर लावण्याचा धार्मिक अर्थ छठपूजेच्या दिवशी विवाहित स्त्रिया कपाळापासून नाकापर्यंत सिंदूर लावतात. याला पूर्ण सौभाग्यवती स्त्री चं प्रतीक मानलं जातं. भारतीय परंपरेनुसार, सिंदूर म्हणजे पतीच्या दीर्घायुष्याचं आणि वैवाहिक जीवनाच्या समृद्धीचं चिन्ह. नाकापर्यंत लांब सिंदूर लावणं म्हणजे पतीबद्दल संपूर्ण समर्पण, निष्ठा आणि प्रार्थनेचं प्रतीक. असे मानले जाते की जितका सिंदूर लांब लावला जाईल, तितकी पतीच्या आयुष्याची कामना अधिक प्रभावी ठरते.
धार्मिक कथा आणि श्रद्धा लोककथेनुसार, सूर्यदेव आणि छठी मातेचं पूजन केल्यानं महिलांना अपत्यप्राप्ती आणि कौटुंबिक सुख लाभतं. त्यामुळे या दिवशी त्या सजतात, सोलह शृंगार करतात आणि सिंदूर हा सर्वात पवित्र अलंकार म्हणून वापरतात. काही पुराणकथांनुसार, सीता मातेनेही अयोध्येला परतल्यानंतर सूर्यदेवाला अर्घ्य देताना सिंदूर लावला होता. म्हणूनच या परंपरेला धार्मिक आणि सांस्कृतिक दोन्ही महत्त्व आहे. (Chhath Puja 2025 )
====================
हे देखील वाचा :
Digital Arrest म्हणजे काय? ऑनलाइन फसवणुकीचा नवा पॅटर्न, जाणून घ्या कसा वाचाल या सायबर सापळ्यातून!
Unique village: संध्याकाळनंतर रडण्यास बंदी! कोकणातील या गावात आजही जपली जाते अनोखी प्रथा
=====================
आधुनिक काळातही परंपरेचं महत्त्व आजच्या आधुनिक युगातही छठपूजेच्या विधी आणि या पारंपरिक प्रथा बदललेल्या नाहीत. अनेक तरुण महिलाही आपल्या मातांप्रमाणे छठी मातेचं व्रत करतात आणि नाकापर्यंत सिंदूर लावून आपली श्रद्धा व्यक्त करतात. ही प्रथा केवळ सौंदर्याची नव्हे, तर स्त्रीशक्ती, श्रद्धा आणि संस्कृतीच्या सातत्याची निशाणी आहे.
Latest Marathi News | News in Marathi | Live news Updates in Marathi on Trending Topics
