Shubhanshu Shukla : शुभांशु शुक्लांनी अवकाश मोहिमेसाठी गाजर हलव्यासोबतच घेतल्या ‘या’ खास गोष्टी

मोठया प्रतिक्षेनंतर भारतीय अंतराळवीर शुभांशु शुक्ला आज एक्सिओम-4 मिशनसाठी रवाना झाले. दुपारी १२.०१ मिनिटांनी मिशन लॉन्च झाले. त्यांच्यासोबत इतर तीन अंतराळवीरही अंतराळ स्थानकात जात आहेत. सर्व अंतराळवीर स्पेसएक्सच्या फाल्कन-९ रॉकेटला जोडलेल्या ड्रॅगन कॅप्सूलमधून उड्डाण केले. ड्रॅगन अंतराळयान सुमारे २८.५ तासांनंतर २६ जून रोजी दुपारी ४:३० वाजता आयएसएसशी जोडले जाईल. नासाच्या माजी अंतराळवीर पेगी व्हिटसन या मोहिमेचे नेतृत्व करत आहेत. X-4 संघात पोलंडच्या स्लावोज उझ्न्स्की-विस्निव्स्की आणि हंगेरीच्या टिबोर कापू यांचाही समावेश आहे. शुभांशू हे आंतरराष्ट्रीय अंतराळ स्थानकावर जाणारे पहिले आणि अंतराळात जाणारे दुसरे भारतीय असतील. (Shubhanshu Shukla)

शुभांशू अवकाशात १४ दिवस राहतील आणि भारतीय शैक्षणिक संस्थांनी डिझाइन केलेले ७ प्रयोग करतील. अ‍ॅक्स-४ मोहिमेचा मुख्य उद्देश अवकाशात संशोधन करणे आणि नवीन तंत्रज्ञानाची चाचणी करणे आहे. हे अभियान खाजगी अंतराळ प्रवासाला प्रोत्साहन देण्यासाठी देखील आहे आणि अ‍ॅक्सियम स्पेस नियोजनाचा एक भाग आहे. याशिवाय, ते नासासोबत आणखी ५ प्रयोग करतील, जे दीर्घ अंतराळ मोहिमांसाठी डेटा गोळा करतील. (Marathi NEws)

शुभांशु यांनी त्यांच्या या प्रवासासाठी अवकाशामध्ये अनेक गोष्टी सोबत घेतल्या आहेत. याबद्दल खुद्द त्यांनीच माहिती दिली. ग्रुप कॅप्टन शुभांशु शुक्ला यांनी सांगितले की, “मी माझ्या बॅगेत फक्त जीवनावश्यक वस्तू घेऊन जात नाही, तर कोट्यवधी लोकांच्या आशा आणि स्वप्ने घेऊन जात आहे. या स्वप्नांबरोबरच मी माझ्या बॅगेत हलवा देखील नेत आहे. मी या अंतराळ मोहिमेसाठी खास तयार केलेले आवडते मिष्टान्न घेऊन जाणार आहे. अंतराळात भरपूर खायला मिळेल, म्हणून मी माझ्याबरोबर आंब्याचा रस, गाजराचा हलवा आणि मूग डाळीचा हलवा घेत आहे.” (Todays Marathi Headline)

‘जॉय’ देखील जाणार अंतराळात
शुभांशु शुक्ला आपल्या एका साथीदारालाही या मोहिमेवर घेऊन जात आहेत. हा साथीदार म्हणजे एक सॉफ्ट टॉय आहे, त्याला शुभांशु यांनी जॉय असे नाव दिले आहे. ऑनलाइन पत्रकार परिषदेत शुक्ला यांनी जॉयला सगळ्यांना दाखवले देखील. जॉय हा एक सॉफ्ट हंस आहे. ते म्हणाले की, X-4 वरील जॉय हा पाचवा क्रू मेंबर असणार आहे. जॉय हा X 4 क्रूसाठी एक आवडता आणि जवळचा साथीदार असणार आहे. प्रक्षेपणानंतर लगेचच चालक दलाच्या वतीने ते मायक्रोग्रॅव्हिटीपर्यंत पोहोचल्याची पुष्टी म्हणून इंडिकेटर म्हणून या टॉयचा वापर केला जाणार आहे. (Marathi Trending News)

पाच इंच लांबीच्या या टॉयबद्दल बोलताना कमांडर व्हिटसन यांनी सांगितले की, आपल्या सौंदर्यासाठी ओळखल्या जाणाऱ्या हंसाचे आमच्या सर्व क्रू मेंबर्सच्या देशांसाठी वेगळे सांस्कृतिक महत्त्व आहे. त्यामुळेच त्याची निवड करण्यात आली आहे. भारतात हंस हे शहाणपणाचे आणि पवित्रतेचे प्रतीक आहे. पोलंडमध्ये हंस हे पवित्रतेचे, निष्ठेचे प्रतीक आहे, तर हंगेरीमध्ये ते निष्ठा आणि सौंदर्याचे प्रतीक आहे. ग्रुप कॅप्टन शुक्ला म्हणाले की, भारतीय संस्कृतीत हंस ही हिंदू बुद्धीची देवी सरस्वतीचे वाहन आहे. (Marathi Top News)

==========

हे देखील वाचा :  Shubhanshu Shukla : शुभांशु शुक्ला यांची गगनभरारी, मिशन Axiom-4 साठी अंतराळात रवाना

===========

अमेरिकन अवकाश संस्था नासा आणि भारतीय संस्था इस्रो यांच्यातील करारानुसार, भारतीय हवाई दलाचे ग्रुप कॅप्टन शुभांशू शुक्ला यांची या मोठ्या आणि खास मोहिमेसाठी निवड करण्यात आली आहे. शुभांशू हे आंतरराष्ट्रीय अंतराळ स्थानकाला भेट देणारे पहिले भारतीय आणि अंतराळात जाणारे दुसरे भारतीय असतील. ४१ वर्षांपूर्वी राकेश शर्मा यांनी १९८४ मध्ये सोव्हिएत युनियनच्या अंतराळयानातून अंतराळ प्रवास केला होता. (Social Updates)