Health Care During Holi : होळीच्या दिवशी घरी वेगवेगळे पदार्थ तयार केले जातात. या सणाचा आनंद लुटण्यासाठी घरी पाहुण्यांना किंवा मित्रपरिवाराला बोलावले जाते. अशातच होळीच्या दिवशी अधिक तेलकट आणि तिखट पदार्थ खाल्ल्यानंतर बहुतांशजणांना पोट बिघडल्याची समस्या निर्माण होते. अशातच तुम्ही पुढील काही घरगुती उपाय करू शकता.
पोट बिघडल्यास पुढील करा घरगुती उपाय
-अत्याधिक प्रमाणात पदार्थ खाल्ल्यानंतर पोट बिघडल्यास तुम्ही दह्याचे सेवन करा. दही आरोग्यासाठी फायदेशीर असते. यामध्ये असलेले प्रीबायोटीक पोटातील हानिकारक बॅक्टेरिया नष्ट करत हेल्दी बॅक्टेरियाची वाढ करतात. यामध्ये फायबर असते जी तुमची पचनक्रिया हेल्दी राहण्यास मदत करते. दह्याचे सेवन केल्याने पोटाला थंडावा मिळतो.
-ओव्हरइटिंगच्या कारणास्तव पोट बिघडण्यासह सतत शौच होत असल्यास तुम्ही केळ्याचे सेवन करू शकता. केळ्यामध्ये पॅक्टिन आणि फायबर असते जे तुम्हाला या समस्येपासून दूर ठेवण्यास मदत करते.
-सफरचंदाचा सर्वजण डाएटमध्ये समावेश करतात. यामध्येही भरपूर प्रमाणात फायबर असतात. यामुळे पचनक्रिया सुधारण्यास मदत होते.
-पोट बिघडल्यास तुम्ही नारळाच्या पाण्याचे सेवन करू शकता. यामुळे शरिरात इलेक्ट्रोलाइट्स मेंटेन राहतील. लूज मोशनच्या कारणास्तव शरीरातून अत्याधिक प्रमाणात पाणी निघून जाते. अशातच तुम्ही नारळ पाणी प्यायल्यास शरीर हाइड्रेट राहण्यास मदत होते. (Health Care During Holi)
-होळीच्या वेळी चटपटीत पदार्थ खाल्ल्याने बद्धकोष्ठतेची समस्या निर्माण होऊ शकते. अशातच तुम्ही पपईचे सेवन करू शकता. पपईमध्ये व्हिटॅमिन सी असते, ज्यामुळे पचनक्रिया सुरळीत काम करण्यास मदत होते.
(टीप : या लेखात माहिती आणि सूचना ही सर्वसामान्य माहितीवर आधारित आहे. ‘newsite.gajawaja.in’ याची पुष्टी करत नाही. याची अंमलबजावणी करण्यापूर्वी डॉक्टर, वैद्य किंवा तज्ञांशी संपर्क साधावा.)
